Page 32 - HOSPITAAL

fin di siman cu a pasa, cu e proceso gubernamental y esun hudicial no a duna
resultado. A nota cu tanto director, como su coleganan na DRH a presenta den noticia y
corte cada biaha cu director ta e victima den e situacion aki.

Pesey kier a puntra abiertamente a caso e trahadornan di Salud Publico no ta victima?
Acaso e trahadornan no a pasa un situacion doloroso pa casi 3 aña na man di sr. Jerry
Staring, cu su maneho y forma di trata hende y cu a lo largo tin consecuencia grandi pa
salud publico y pa pueblo?

No ta trata aki di 1 of 2 trahado, aunke si ta asina mes, cada persona merece di wordo
respeta den su derecho y trata dignamente como ser humano. Sinembargo, nan no ta 1
ni 2 trahado. E consecuencia tambe di e mal maneho di salud publico no ta un persona,

sino henter nos pueblo di Aruba. Pesey na pueblo y tur esnan cu a demostra curashi di
para dilanti pa para pa e berdad ki contesta lo bay haya.

Sr. Staring kier bin bek, pakico? Kico ta e gran trabao, e gran logro pa salud publico.

Loke ta wak y sinti den carni propio ta intimidacion structural. Kiebra di trabao y
profesionalismo. Kiebro di comunicacion, faboritismo y falta di vision.

Tanto bal cu tin un director oficial riba papel, pero si den practica e director no sa unda

pa bay, ni con pa dirigi e organisacion grandi cu yama Departamento di Salud Publico.

E trahadornan ta puntra, sr. Staring a demostra interes pa e salud di pueblo? Saca e
prueba pa e trahadornan tende. Hasta e famoso formatierapport ta demostra un

bedrijfsvoering y administratieveorganisatie, cu tabata den planes pa guia e
departamento aki. Pa kico mester di un director anto.

Placa di pueblo ta bay pa sali bunita den noticia y pa sinta den comision? E trahadornan

a keda keto pa respet, pero no ta bay keda keto mas. E trahadonan como ambtenaar ta
haci lo maximo pa haci nan trabao lo miho posibel. No por acepta un hende cu ta viola
integridad di un departamento asina importante cu por ta na cabes. Pa e motibo aki e
trahadonan ta exigi pa sr. Staring duna full su cooperacion pa bay cas y no stroba e

investigacion imparcial di un doorlichtingscommissie. Na final di cuenta loke ta desea ta
lo siguiente: