Page 33 - HOSPITAAL

Sr. Staring a nace y lanta na un pais organisa cu yama Hulanda. Eynan na e momento
cu un hende cu tin un posicion clave den gobierno, perde confiansa pa e por eherce su
profesion, e ta entrega su retiro.

Sr. Staring, trahadornan di DESPA no tin confiansa mas. Minister y gobierno no tin
confiansa mas. Pueblo no tin confiansa mas. Tene honor na bo mes y baha for di e
puesto di director di salud publico.

Esey ta loke e trahadornan ta pidi. Ta di spera cu e no mester yega te na e punto cu
nan mester exigi esaki. Mirando si loke a pasa den pasado, e trahadonan ta warda riba
un contesta oficial, no mas tarda cu diahuebs, 12 di Juli 2018, 10’or di mainta. Ta spera
cu por haya un contesta positivo prome cu e fecha y orario aki.

Por ultimo den e pais aki cu nos ta baas den nos mesun cas, e pais cu tin e lema cu ta
prefera di muri riba pia cu biba na rudia, a yega awe e expresion di nos pueblo pa e
amor pa libertad. E trahadonan lo lucha te final pa e amor aki y e amor pa nos baranca

tan stima. Si sr. Staring tin e amor ey tambe pa nos pueblo y respet pa nos balornan,
haci lo corecto y duna e trahadornan atrobe nan libertad.

A papia, trahadornan di Departamento di Salud Publico y ciudadanonan di nos pueblo di

Aruba.

E manifesto a wordo entrega na e management team dilanti di Departamento di Salud
Publico.

Gerencia

Di parti di gerencia, Joan van Heyningen, miembro di e management team di
Departamento di Salud Publico y a traha hopi aña como jeugdarts, nan lo sigui cu e
investigacion y no por bisa hopi cos ainda. E management team si ta bezig cu e

investigacion y lo pasa riba tur punto cu a wordo treci dilanti.

Van Heyningen a splica cu tin hopi cos cu e mes tin cu berigua. E investigacion tin cu
cana su caminda y esey no ta den nan man e momentonan aki.