Page 38 - Djabierne 27 yuli 2018.pdf

38 Djabièrnè 27 Yüli 2018
Kontinuashon di pagina 2
Kondena pa hòmber
e hòmber i a tené será pa
algun dia.
For di e loke ku a bin
dilanti den korte ta indiká
ku e eks partner a hasi tur
loke ku tabata na su alkanse
pa e blòkia e hòmber su
number di telefòn, despues
di akinan e yamadanan i
mensahenan a kuminsá
drenta via di un number
anónimo.
Hopi biaha e hòmber ta
bèl anochi ora e ta fuma i ta
manda pa dia mas o ménos
24 app i ta bèl un kantidat
grandi pa dia.
Na total e hòmber a bèl
535 biaha i a manda un
kantidat di 678 voicemail.
Esaki ta sin konta e app nan
i mailnan via di mail adrès.
E loke ku a sorprendé
e eks partner ta ora ku na
un okashon ku e tabata na
trabou el a haña yamada di
su yu ku ta bisa ku e hòmber
ta den kas.
E eks partner a yama su
bisiña pa e bai wak kiko ta
pasando, miéntras el a sali
pa kas. Ora e ta yega e ta
mira e hòmber ta papia ku e
bisiña na kurá di kas.
Aki a surgi un
diskushon i esaki a kaba
den rankamentu di kabei
i maltrato. Ora ku e eks
partner a logra drenta den
kas pa tene e hòmber pafó,
e hòmber a kibra e glas di
porta.
E eks partner no tabata
sa ku e hòmber tabatin un
yabi di su kas.
Polis a yega i a bai ku e
hòmber.
A yega un momentu ku
e yamadanan a baha hopi
i e eks partner a pensa ku
el a haña un alivio, pero
e hòmber tabata pa tres
luna aki na Kòrsou i asina
mes e tabata bèl. E tabata
bèl sera. Esaki a pone ku
e yamadanan tabata di
durashon hopi kòrtiku.
Manera el a yega Ulanda
bèk, e molèster pa e eks
partner a kontinuá.
Siman pasá korte di Den
Haag a dikta sentensia,
pero e hòmber a sali basta
bon afó ku un kastigu
alternativo di 180 ora di
trabou i 3 luna kondishonal
i dos aña di prueba.
E loke ku ta hasi un tiki
mas doló den e veredikto aki
pa e hòmber, ta e pago di un
multa di 2.083,31 euro pa
daño i perhuisio.

di nos e ta