Page 40 - Djabierne 27 yuli 2018.pdf

40 Djabièrnè 27 Yüli 2018
Kontinuashon di pagina 11
Hòmber sospechá den

serka Damascus e dia ei.
Tambe e señora a bisa
ku ora el a bai kue e outo
ku a keda para dilanti kas
di Damascus, Damascus a
dun’é 20 florin di kual el
a keda hopi straño pa ku
esaki. Damascus a ninga
redondamente ku e tin algu
di aber ku e kaso.
El a deklará na hues
komisario ku Brown a bin
banda di dje si, pero serka
otro hende.
Segun Damascus el a bèl
Brown e anochi ei bèrdat,
pero pa pidié kumpra hash
pe. Segun e akusado Brown
por haña e hash pe na un
bon preis pa asina e por
rebendé na terseronan. El
a sigui bisa ku Brown a
tarda hopi pa yega serka
dje di kual miéntras tantu
el a haña e merkansia seka
otro hende.
Segun Damascus na
momento ku Brown a yega,
ya e a bai atendé ku su
kosnan i laga Brown pafó
serka algun persona ku ta
biba den bisindario.
Na momento ku el a bai
paden i bin bèk pafó, el a
mira Brown su vehíkulo
pará pafó ainda.
El a bisa ku ora e señora
di Brown a bèl mes el a
puntr’é si e sa di Brown òf
si el a yega kas mirando ku
siguiente dia ainda e outo
tabata pará pafó band’i su
kas.
E akusado a bisa di a
duna Brown su señora
20 florin ora ku el a bin
buska e outo, pa motibu ku
Brown a bisé e bia anterior
ku nan a papia ku e no tin
gas, pues gasolin.
Abogado Marije Vaders
a splika hues komisario ku
no tin nada ku ta inkriminá
e sospechoso di tin di aber
ku e kaso di atrako.
E no tabata ni sa unda
Brown a bai ni ku ken.
Tanta di Damascus
tambe a deklará ku e
sospechoso tabata na kas
te ku ora el a bai drumi.
E abogado a bisa
ku Damascus a splika
detayadamente e motibu
dikon el a yama Brown e
anochi promé ku e suseso.
Mirando tur esakinan,
e abogado a pidi pa
duna Damascus libertat
inmediatamente.
Despues di a analisá tur
e puntonan, hues a bai di
akuerdo ku e abogado i a
bisa ku en bèrdat no tin
niun motibu grave kontra
di e akusado pa sigui ten’é
será.