Page 10 - Imsan 4 Feb"15
P. 10
Dr. Joel Rajnherc di ImSan Den 2 aña por habri Centro di
Oncologia y salanan di operacion
Tuesday, 03 February 2015 16:07
Comparti
Director di ImSan, dr. Joel Rajnherc, hunto cu dr. Monica Nuboer-Gonzalez y Gregory Croeze
recientemente a ofrece Parlamentarionan di Aruba un tour di e facilidadnan completo di IMSAN pa asina
nan tin un bon impresion di loke e proyecto completo ta encera. Dr. Rajnherc a bisa cu asina tur hende ta
wak den e mesun direccion pa cu e plannan di ImSan.
Dia 9 di januari, ImSan hunto cu Baptist Health South Florida (BHSF) a presenta e plannan completo na
raad van toezicht di ImSan, e hunta di directiva y raad van commissarissen di AZV y Minister di
Salubridad, dr. Alex Schwengle, kende tabata acompaña pa conseheronan di su ministerio.
ImSan actualmente ta ofrece entre otro servicionan di dokter di wowo, un centro di dialysis y un
departamento di emergencia. Si tur cos bay segun plannan di ImSan, dr. Rajnherc a comenta, cu
colaboracion di Baptist Health South Florida (BHSF), den 24 pa 30 luna ImSan lo por realisa e apertura
di un centro di oncologia cu ta inclui servicionan di kimoterapia y di radioterapia, como tambe
cambernan di operacion pa “dagbehandeling”, un departamento di sterilisacion y e renobacion di e
departamento di emergencia.
Tabata hopi importante pa e Parlamentarionan tin no solamente un impresion di con grandi ImSan ta y
tur loke e institucion aki kier logra den e ramo di cuido pa nos comunidad, pero tambe pa nan ta na
altura di tur detaye relaciona na e servicio nan cu ImSan lo ofrece y kico esaki ta nifica pa nos
comunidad.
ImSan ta den combersacion cu Dr. Horacio E. Oduber Hospitaal y Ministerio di Salubridad encuanto e
sala di operacion y e departamento di sterlisacion. Dr. Rajnherc a splica cu e salanan di operacion lo bira
primeramente pa “dagbehandeling”. Den futuro lo por cuminsa ofrece estadia, esta “overnachting”.
E partnership cu Baptist Health South Florida (BHSF) ta sigui fuerte; e institucion Mericano ta
asistiendo ImSan den tur e plannan pa expansion y ta percura pa tur loke wordo haci ta di acuerdo cu e
protocolnan y normanan di JCI, Joint Commission International Accreditation. E acreditacion ta un
confirmacion y certificacion internacional cu ta indica cu e calidad pa loke ta trata e edificio como tambe
e servicionan cu ta wordo brinda, ta di acuerdo cu normanan halto mundialmente, dr. Rajnherc a duna di
conoce.
BHSF tambe ta asisti cu e departamento di Recursonan Humano, y den compra di ekipo, Dr. Rajnherc a
agrega cu e ekiponan cu ImSan ta bay cumpra ta ekiponan di un balor grandi cu ta bin cu un prijs halto,
pero pa medio di BHSF, ImSan por haya esakinan na prijsnan rebaha.
E director a bisa cu e inversion den ImSan ta cuantioso y e servicio cu ta wordo ofrece ta di calidad halto
pa no solamente San Nicolas y vecindario disfruta di nan, pero tambe henter Aruba.
Oncologia y salanan di operacion
Tuesday, 03 February 2015 16:07
Comparti
Director di ImSan, dr. Joel Rajnherc, hunto cu dr. Monica Nuboer-Gonzalez y Gregory Croeze
recientemente a ofrece Parlamentarionan di Aruba un tour di e facilidadnan completo di IMSAN pa asina
nan tin un bon impresion di loke e proyecto completo ta encera. Dr. Rajnherc a bisa cu asina tur hende ta
wak den e mesun direccion pa cu e plannan di ImSan.
Dia 9 di januari, ImSan hunto cu Baptist Health South Florida (BHSF) a presenta e plannan completo na
raad van toezicht di ImSan, e hunta di directiva y raad van commissarissen di AZV y Minister di
Salubridad, dr. Alex Schwengle, kende tabata acompaña pa conseheronan di su ministerio.
ImSan actualmente ta ofrece entre otro servicionan di dokter di wowo, un centro di dialysis y un
departamento di emergencia. Si tur cos bay segun plannan di ImSan, dr. Rajnherc a comenta, cu
colaboracion di Baptist Health South Florida (BHSF), den 24 pa 30 luna ImSan lo por realisa e apertura
di un centro di oncologia cu ta inclui servicionan di kimoterapia y di radioterapia, como tambe
cambernan di operacion pa “dagbehandeling”, un departamento di sterilisacion y e renobacion di e
departamento di emergencia.
Tabata hopi importante pa e Parlamentarionan tin no solamente un impresion di con grandi ImSan ta y
tur loke e institucion aki kier logra den e ramo di cuido pa nos comunidad, pero tambe pa nan ta na
altura di tur detaye relaciona na e servicio nan cu ImSan lo ofrece y kico esaki ta nifica pa nos
comunidad.
ImSan ta den combersacion cu Dr. Horacio E. Oduber Hospitaal y Ministerio di Salubridad encuanto e
sala di operacion y e departamento di sterlisacion. Dr. Rajnherc a splica cu e salanan di operacion lo bira
primeramente pa “dagbehandeling”. Den futuro lo por cuminsa ofrece estadia, esta “overnachting”.
E partnership cu Baptist Health South Florida (BHSF) ta sigui fuerte; e institucion Mericano ta
asistiendo ImSan den tur e plannan pa expansion y ta percura pa tur loke wordo haci ta di acuerdo cu e
protocolnan y normanan di JCI, Joint Commission International Accreditation. E acreditacion ta un
confirmacion y certificacion internacional cu ta indica cu e calidad pa loke ta trata e edificio como tambe
e servicionan cu ta wordo brinda, ta di acuerdo cu normanan halto mundialmente, dr. Rajnherc a duna di
conoce.
BHSF tambe ta asisti cu e departamento di Recursonan Humano, y den compra di ekipo, Dr. Rajnherc a
agrega cu e ekiponan cu ImSan ta bay cumpra ta ekiponan di un balor grandi cu ta bin cu un prijs halto,
pero pa medio di BHSF, ImSan por haya esakinan na prijsnan rebaha.
E director a bisa cu e inversion den ImSan ta cuantioso y e servicio cu ta wordo ofrece ta di calidad halto
pa no solamente San Nicolas y vecindario disfruta di nan, pero tambe henter Aruba.
