Page 11 - Imsan 4 Feb"15

E edificio di ImSan tin dos sala di operacion cu aparatonan necesario instala. Nan Infrastructura ta casi
ful cla. E departamento di sterilisacion tambe ta hopi leu cu tur ekiponan instala y cla pa cuminsa
funciona dentro di poco.

http://www.24ora.com/local-mainmenu-5/91380-dr-joel-rajnherc-di-imsan-den-2-ana-por-habri-centro-
di-oncologia-y-salanan-di-operacion

ImSan ta apoya dia mundial di cancer 2015

Tuesday, 03 February 2015 17:24
Comparti

Tur aña ta celebra dia mundial di Cancer riba dia 4 di februari. Henter mundo ta uni den e lucha contra
cancer.
Door di conscientisa y educa comunidad, por evita cu miyones di hende ta pasa den e sufrimento aki.
Simplemente bisa, e epidemia mundial di cancer ta enorme y ta sigui crece dramaticamente. Anualmente
8.2 miyon hende ta muri di un of otro enfermedad di cancer. Ta masha importante pa conscientisa y
desaroya strategianan practico pa combati e enfermedadnan rond di cancer. Na hopi parti di mundo te
ainda no tin acceso na prevencion of tratamento specialisa. E dia aki ta un oportunidad unico pa
conscientisa e individuo, comunidad y instancianan priva y gubernamental cu ainda falta hopi pa haci pa
por controla y stimula cambionan positivo pa combati e enfermedad di cancer. ImSan tin plannan pa den
futuro cercano pa desaroya un centro di oncologia cu ta encera tratamento di radioterapia, kimoterapia y
despues tambe cirugia di e enfermedad aki. ImSan ta pidi henter comunidad pa para keto un rato riba e
dia aki y reflexiona riba tur e opcionnan cu ta existi pa preveni, detecta na tempo, trata y cura e cancer.

http://www.24ora.com/local-mainmenu-5/91386-imsan-ta-apoya-dia-mundial-di-cancer-2015