Page 52 - AHATA

Na un pais nunca nan a mira lama y na otro pais nunca nan a yega di mira sneeuw.

Siglo 20 a trece hopi cambio pa hende, pa paisnan, pa mundo, di formanan politico
nobo, cadenanan di gueranan cada bes mas pisa y cruel, poder di gruponan cu a

reemplasa rey pa nan mes bira pio cu emperador.

Siglo 20 a culmina cu hende di edad cada bes mas halto pero tambe cu problema mas
grandi. Siglo 20 a conoce mucha cu mucho mas chens pa desaroya den e mundo

cientifico y cu menos atencion pa loke suela y lama ta produci na cuminda.

Siglo 20 a trece jet pa hende depende di turismo, cu a bira comercio internacional.
Siglo 20 a habri e era digital cu ta culmina cu hende cu no ta papia mas cu otro pero ta

“app”, no ta bay haci compra mas pero ta cumpra online.

Den e situacion aki e coronavirus nobo a presenta y awor ta exigi atencion di un
comunidad, cu mester bay tene e reglanan di e coronavirus na consideracion.

Mester bay duna un luga atrobe na e hende di edad y personanan fragil manera
cantidad di malesa cronico cu hende por supera a base di remedi pero ta baha e
resistencia humano.

Awe, COVID-19 ta exigi pa bo bay hiba e peliger di contagia cu e malesa pa hende
grandi den centronan cu mester atende demasiado biaha cu e madushi y padushi y
hasta mayornan lubida pasobra tur hende kier traha 10 ora of mas pa dia pa haya tur

loke alma ta desea.

Hende cu na careda ta drenta supermercadonan cumpra tur stock sin tene cuenta cu
otro cu tambe mester cumpra algo pa nan tambe sobrevivi.

Awe e coronavirus ta tene un spiel dilanti e hende cu a sufri cambio grandi. E ser
humano, cu awor no ta separa su mes for di otro pa e por chat henter dia riba su
telefon, pero pasobra e mester bay den isolacion pa motibo di COVID-19.

Ora e era di COVID-19 pasa, hende tin un responsabilidad nobo. Hende mester reforma
e comunidad humano, cu ta perde e toke humano.