Page 87 - AHATA

Pero e problema tabata mara na e cambionan cu a surgi pa motivo di e reduccion den e
cantidad di vuelonan.

Esnan cu a viaha por bin bek Aruba pero nan ta depende awor di e disponibilidad y di e

cambio di e itinerarionan. Esaki probablemente lo nifica cu nan no lo por drenta bek
ariba e fecha cu nan a premira y cu tambe lo mester adapta nan presupuesto mirando
cu lo mester paga extra pa un anochi hospeda na un hotel, etc.

Parce cu e situacion no ta mustra pa aworaki hopi facil. Cambionan den vuelonan lo por
wordo traduci den un cambio di tarifa, dependiendo di e clase di tarifa disponibel. Si ta
un clase economico basico y ta cambia pa e mesun clase esaki parce no ta nifica
cambio den prijs. Si ta un otro clase, posibelmente pa e cambio e ora lo mester paga

algo extra.

Si mester drumi na Bogota, por ehempel, pa motibo di cambio den e fecha di e salida di
e vuelo, esaki no lo wordo cubri pa e aerolinea. Esaki lo tin di haber cu e echo cu ta

trata akinan di un estado di crisis y pesey e aerolinea no ta cubri e gastonan extra cu e
cambionan lo por trece cune manera estadia na un hotel of cuminda.

Te asina leu cu DIARIO por a haya sa, esnan cu tin viahenan pendiente ta aconseha

nan pa tuma contacto cu AVIANCA of nan aerolinea pa haya sa mas di cualkier cambio
cu por presenta den nan itinerario.

Awor tur cos ta depende di e disponibilidad di vuelonan y di e aerolineanan pa bo por

bay bek na bo pais of pa por bin bek bo isla.

LINEA DI CONTACTO

Gobierno a habri un linea di contacto pa arubianonan y residente cu ta pega den
exterior. E number aki ta 569-6897. Asina Prome Minister Evelyn Wever-Croes a duna
di conoce ayeranochi den conferencia di prensa unda a duna un update y a confirma un
di tres caso di Coronavirus.

https://www.diario.aw/2020/03/reduccion-di-vuelonan-y-cambio-den-itinerarionan-tin-hopi-pasahero-
den-incertidumbre/