Page 8 - Awemainta

8 AWEMainta Diabierna, 22 Januari 2016

Polis lo listra
preventivamente riba arma

durante Hebbe-Hebbe

MINISTERIO Publico y Cuerpo Policial di Aruba ta

informa cu Polis lo listra preventivamente (preventief
fouilleren) riba posecion di arma durante Hebbe-Hebbe
diahuebs 28 di januari 2016.
E ordo aki a wordo duna pa Ministerio Publico, despues
cu Minister di Husticia, Alto Comisario di Polis y Fiscal
Mayor a dicidi pa listra preventivamente riba posecion
di arma, y despues cu Huez Comisario a duna autor-
izacion pa listra preventivamente riba posecion di arma.
Den cuadro di e accion di listramento preventivo riba
posecion di arma, KPA ta autoriza pa riba e dia ey di 28
di januari benidero di 5’or di atardi pa su mañan 5’or di
madruga stop personanan na manera arbitrario y listra
nan pa arma na nan paña. KPA ta tambe autoriza pa
listra auto y otro vehiculonan pa arma. Ademas KPA ta
autoriza pa pidi pa habri cahanan, baul, tasnan y otro
pakinan pa listra pa arma. Ministerio Publico a autoriza
KPA pa por haci esaki Ministerio Publico na su turno
a pidi e autorizacion aki na Huez Comisario, y a haye
tambe di Huez Comisario.

Dos dama turista a
wordo persigui pa
sospechosonan cu a

los tiro riba nan

WILLEMSTAD - Diahuebs 21 di januari 2016, alred-

edor di 5:09 di marduga, Polis a dirigi un unidad na un
hotel parti pariba di Corsou pa intento di atraco riba
dos turista.

For di un investigacion cu Polis a realisa a resulta cu e
dos damanan turista tabata coriendo
den nan auto di huur rib’e caminda pa bai Porta Blanku
y na dado momento a nota cu nan
tabata wordu persigui pa un auto cu dos of mas ocupante
aden. E auto sospechoso
diferente biaha a purba di alcansa nan y a trata di cera
nan caminda. Na dado momento un di
e ocupantenan a baha for di e vehikulo y los algun tiro
riba nan.

E damanan a logra di sigui core y yega cerca e bewaker-
nan n’e entrada di e hotel. Aki e auto di e sospechosonan
a somenta. E damanan a sali ileso for di e tiroteo aki.
Durante di investigacion, Polis a nota cu e auto di huur
tabatin perforacion di bala na e bumper y a confisc’e pa
mas investigacion.