Page 10 - AWEMAINTA 22AUG,2015

10 AWEMainta Diasabra, 22 Augustus 2015

Hilton Aruba Caribbean Resort & Casino a mustra aprecio na su clientenan corporativo

Cu un ‘ROYAL CELEBRACION’

RECIENTEMENTE Hilton Aruba Caribbean Resort

& Casino a entretene clientenan corporativo durante
un Fiesta di Aprecio.
E fiesta tawata na honor di e companianan local cu
durante henter aña ta scoge e resort como e lugar preferi
pa acomoda tur nan huespednan y como e anfitrion pa
tur nan eventonan corporativo y festivo.
Durante e anochi, invitadonan a disfruta di un experiencia
culinario fantastico, canando rond di e Grand Caribbean
Ballroom pa bishita e diferente stacionnan di cuminda
cu a wordo prepara perfectamente p’e ekipo culinario.
Cu e temporada di fiesta den porta, chef Hector Espinoza
a percura pa selecta algun di e platonan favorito for di e
menu di fin di aña y a presenta esakinan di un manera
elegante estilo hors d’oeuvres.
E ekipo excepcional di Catering & Conventions esta
Marvinia Richardson, Raynold Semeleer y Audrey Wolff,
a extende un invitacion cordial na tur presente pa bin
experencia Hilton Aruba Caribbean Resort & Casino e
fin di aña aki, y a recorda clientenan cu nan ta ofrece
paketenan atractivo y espacionan flexible pa fiesta di
tur tamaño.
Adhunto por aprecia algun imagen di e Fiesta di Aprecio.
Invitadonan a disfruta di un anochi inolvidabel cu
tremendo ambiente y animacion di Robert Jeandor y su
Solo Banda, terminando den un Ora Loca di sorpresa.