Page 64 - Minister Alex Schwengle April 2,2015
P. 64
Joshue Solognier ta gana pelea di MMA na
Surinam
Thursday, 02 April 2015 08:36
Comparti
Durante e weekend di 28 di maart 2015, ‘Team Yvel’ di Suriname a organisa su campeonato anual di
Kickboxing y MMA (Mixed Martial Arts), ‘Deadly Despair’. E campeonato aki tawata tin un total di 22
pelea di Kickboxing y MMA, di cual 1 di e pelea nan aki tawata di e disciplina MMA.
Aruba su Team Nedd tambe tawata presente durante e weekend aki, unda e atleta hoben Joshue Solognier
a hasi su debut riba tereno international. Joshue Solognier y su contrincante Tony Subra tawata e unico
atleta nan cu a participa den e disciplina di MMA. Durante e prome y di dos round, Solognier su
contrincante tawata tin un resistencia hopi fuerte y esaki sigur a hasi cu e bataya no tawata uno fasil. Pero,
Solognier a sa di caba cu e bataya durante e di tres y ultimo round. Aki Solognier a manda su contrincante
vloer y a logra wante den un ‘Rear Naked Choke’ pa asina caba cu e pelea.
Prome cu e campeonato Solognier a prepara pa hopi luna y tawata sinti su mes entusiasma pa drenta e
ring. Mester mentiona cu esaki ta e atleta hoben aki su prome campeonato international y sigur un
tremendo logro cu su victoria!
Un pabien na Joshue Solognier y Team Nedd Aruba cu e tremendo prestacion!
http://www.24ora.com/deporte-mainmenu-7/93706-joshue-solognier-ta-gana-pelea-di-mma-
na-surinam
