Page 14 - AWEMAINTA
P. 14
14 AWEMainta Diaranson, 1 November 2017
Como un custumber di tur aña
Fiesta Kibrahacha lo
ta diadomingo awor
DIADOMINGO 5 di november lo tuma luga e
grandioso Fiesta Bazar di Club Kibrahacha 60+, cual
lo tuma lugar na Club Kibrahacha mes.
Un dia cu ta enfoca p’e famia completo, caminda lo
bay tin diferente actividad pa grandi y chikito pasa
un rato leuk hunto.
Lo bay tin tambe mercado popular, mini market,
benta di mata, obra di man y hopi mas.
E bar y cushina bon surti no lo por keda afor, brin-
dando e dushi Chicken Teriyaki cu aros blanco, Bami
cu sate y un suculento BBQ.
Tur cuminda lo tin un prijs di unicamente Afl 12,50
pa plato.
Pa amenisa e dia familiar aki lo tin musica na encargo
di Nelson Sprock y su caha di Orgel, Gaita Autentico,
Gaita Las Unicas, Papito y su Biba Lekker Band, y
hopi mas.
Bin celebra hunto cu Club Kibrahacha y asina aporta
n’e recaudacion di fondo p’e grupo dinamico di 60
plussers.
