Page 9 - AWEMAINTA

AWEMainta Diaranson, 1 November 2017 9

Segun Servicio Veterinario
Criamento di bestia chikito a baha

considerablente den e ultimo temponan

DEN un entrevista cu sr. Libiee di Servicio Veterinario, el a duna di
conoce cu por mira cu criamento di bestia chikito na Aruba a baha con-
siderablemente.
Esaki ta debi na diferente factor, entre nan e costo halto pa mantene un
bestia unda cu e cuminda so ta birando mucho caro dia pa dia.
Tambe tin e aspecto di tereno pa traha cunucu cu no tin mucho mas,
como cu a kita hopi tereno for di criadornan di bestia, pero tambe a
construi mas cas caminda antes tabatin cunucu.

Loke cu si por a ripara ta cu e criamento di porco toch a aumenta com-
para cu e criamento di cabrito of carne.
Segun sr. Sherman Libiee, compara cu decada pasa, awendia alimentacion
pa bestia ta hopi mas caro.
“15 Aña pasa bo ta haya cuminda di 50 lb di 8 florin te cu 12 florin.
Awendia mesun cuminda ta cobrando 32 florin p’e, cual ta hopi caro.”
Tabata palabranan di e keurmeester di Servicio Veterinario.

Sr. Libiee a sigui bisa tambe cu pa cria un bestia chikito sera actualmente
aki na Aruba, ta algo practicamente imposibel, mirando e gasto cu esey
ta trese cun’e.
Awendia esnan cu ta cria bestia chikito ta laganan los, cual tambe tin
hopi aspecto negativo.
Hopi hende no ta biba cu bestia chikito mas, cual tambe ta contribui na
e decaida den e produccion di carni di bestia chikito pa fin di aña.