Page 93 - MIN TTC 15 SEPT 2015

Mireille Sint Jago (MEP): Firma Contra
Parkeermeter
Tuesday, 15 September 2015 09:09

Comparti

Na 2013 e campaña di AVP tawata menciona solamente: Ainda Falta. Un lema cu tawata zona bon den e
horea di publico na 2013, pero cu awor ta laga pueblo sinti hopi amarga. E votadornan no por a spera cu
AVP lo defrauda nan asina, door di castiga pueblo cu medida tras di medida.
Medida #16 di e CAFT di AVP, parkeermeters, a dal duro den nos communidad. Fraccion de MEP a tuma
tempo pa papia cu esnan mas effecta door di e medidanan aki: E trahadornan den e area di Caya G.F.
Betico Croes. Pa nos di Movimiento Electoral di Pueblo, lidera door Evelyn Wever-Croes, pueblo su
necesidad ta nos prioridad! Dia 8 di september fraccion di MEP a scohe pa no participa na e apertura di e
aña Parlamentario 2015, pero pa scucha e dolor di pueblo.

E dolor a resulta di ta immenso. Benta den Caya G.F. Betico Croes y e area rond di dje a baha
drasticamente. Tin cu ta bisa cu nan tawata bende mihor, tempo cu e cayanan tawata kibra pa 2 aña largo,
cu awor. Trahadornan humilde, tin cu paga 75 pa luna of cana masha leu den scuridad, caminda nan por
hasta bira victima di criminalidad.

Por conclui cu pueblo ta sinti su mes defrauda, cu e medida #16 aki. Medida #16 di CAFT di AVP, ta
encera cu un trahador den Caya Grandi lo paga 900 florin pa ana, pa awor. No tin ningun garantia cu e
preis aki lo no subi. Tempo cu a introduci e paid parking na airport, nos tawata paga solamente 50 cen, pa
despues esaki subi te cu 3 florin. Si nos acepta esaki awor, nos lo mester acepta tambe cu e preis aki lo
subi y subi pa asina paga p Mike Eman por sigui biaha rond mundo, cumpra boy toys manera e tramnan y
haci kart-racing , cu ta contribui na mas CO2 enbes di ta 'Green'. Nos tin cu protesta awor y firma contra
e parkeermetersnan!!

http://www.24ora.com/politica-mainmenu-18/99521-mireille-sint-jago-mep-firma-contra-parkeermeter