Page 98 - MIN TTC 15 SEPT 2015

Aruparking ta reacciona riba huurmento di edificio

Publication: Tuesday, 15 September 2015. Categoria: General

ORANJESTAD (AAN): Aruparking a tuma nota di un publicacion cu no ta cuadra cu
berdad. Ta referi na e articulo publica den medionan di comunicacion riba e fecha di 14 di
september 2015 referiendo na huurmento di e edificio unda e oficina principal di Aruparking ta
ubica.

Manera un procedura standard di escogencia di e edificio, a evalua 3 diferente localidad cual ta:

 Layex Building

 Wilhelmina str 13

 Edificio Donja Clara

A pidi cada localidad informacion di prijs pues un cuenta di cual a constata cu tur a duna
practicamente mesun suma.

E proceso transparente a bay como lo siguiente:

A evalua 1. Prijs , 2. cantidad di vierkante meter, 3. siguridad, 4. e cantidad cu lo mester inverti
den e luga 5. indeling apropia

Wilhelminastraat 13, a resulta cu e mesun huurprijs practicamente compara cu e otro dos nan,
pero e cantidad di vierkante meter ta mas hopi cu e otronan y no ta rekeri tanto na inversion di
parti Aruparking. E otro opcionan tabata tin entre otro hopi glass, cual lo por tin un factor di
insiguridad. Wilhelminastraat 13, te hasta e dak ta cement locual ta mas adecuado.

Den e otro localidadnan tabata rekeri inversion grandi di entre otro schotmento di e oficina y den
Layex building full un sistema di airco.

Wilhelminastraat 13 tabata tin tur oficina nan geschot cu tabata pa yega cuminsa opera sin
mester di schot y airco unit tabata inclui.

Asina tin varios beneficio cu a pone cu nos escogencia a bay pa Wilhelminastraat uno cu no
mester a pensa dos biaha.

E escogencia tabata totalmente den man di ehecutivonan di Aruparking mes y no tabata tin
envolvimento di Minister di Transporte den esaki.

Ta spera cu esaki por trece un poco mas claridad y transparencia riba henter e procedura aki.

http://www.diario.aw/2015/09/aruparking-ta-reacciona-riba-huurmento-di-edificio/