Page 99 - MIN TTC 15 SEPT 2015

Aruba nomina como miembro di comite di

turismo y competitividad durante

conferencia di UNWTO na Colombia

on: Tuesday, September 15, 2015In: LocalNo Comments
Print Email

Minister Otmar Oduber ta atendiendo e di 21 Asamblea General di World Tourism Organisation
na Medellin, Colombia. E aña aki UNWTO a conta cu total di 1000 participante unda mas di 110
nacion tabata presente. 72 Minister y secretarionan general a atende e asamblea aki.
Durante e reunion di miembronan di e asociacion, Aruba a wordo nomina como e miembro cu lo
representa tur e miembronan den e aspecto di turismo y competitividad, cual ta un di e dos
basenan importante di UNWTO. Mientras cu Puerto Rico a haya e base di sostenibilidad, Aruba
a keda encarga pa ta e representante den e aspecto di competitividad cual ta demostra cu Aruba a
sa di semper keda desaroya nos isla, pa keda dos stap dilanti di tur otro destinacionnan den nos
region. Aruba a demostra di tin un producto unico, haciendo uzo di nos propio recursonan di
locual Aruba tin di ofrece y sobresali riba cualkier otro. E reconocimento aki sigur ta un logro
grandi pa nos isla y alabes un oportunidad excelente.
Minister Oduber ta splica:”Aruba awor lo traha hopi di cerca den e organisacion di UNWTO
ofreciendo conseho den e aspecto aki. Intencion ta pa Aruba tin un rol di consehero,
reenforsando miembronan di UNWTO riba aspecto competitivo den e mercado di turismo.” E
mandatario ta sigui amplia cu Aruba lo asisti e miembronan di UNWTO pa nan tin e miho
calidad di experiencia pa ofrece na nan bishitantenan. Otro tareanan ta entre otro contribui na
crea sinergia entre tur e stakeholders di e industria di turismo pa crea miho resultado pa e
destinacionnan.
Aruba durante e asamblea general di UNWTO ta conta cu representacion di entre otro Minister
Turismo Sr. Otmar Oduber acompaña pa Ronella Tjin Asjoe-Croes, directora di Aruba Tourism
Authority y tambe consehero di ministerio di turismo Marisol Sanchez-Maldonado. Cu e
nominacion aki Aruba ta demostra di ta lider un biaha mas riba e tereno di Turismo unda awe
nos a haya reconocimento di un entidad asina importante globalmente pa comparti conocemento
riba e materia aki.
E asamblea general di UNWTO lo tin un duracion di 4 dia cu diferente reunion importante entre
tur e halto ehecutivonan presente representando e mas di 110 pais rond mundo.