Page 114 - MIN JUS

Por lo pronto no tin visa pa Venezolano

drenta islanan ABC

Posted on 10/5/2017 5:44 pm AST | Updated on 10/5/2017 5:44 pm AST

DEN HAAG – Por lo pronto no ta bin un visa pa Venezolanonan cu kier drenta
Aruba, Corsou y Bonaire. Ni si e crisis na Venezuela empeora. Asian minister
demisionario di asuntonan exterior Bert Koenders a bisa. Gobiernonan di Aruba,
Corsou y Hulanda ta preocupa pa e aumento den cantidad di Venezolano cu ta bira
illegal riba e islanan. Pero nan (Hulanda) no kier introduci un visa, pasobra segun
Koenders, esey lo tin un efecto pio pa e islanan segun e mandatario.

CIFRAS

Dos miembro di Tweede Kamer a pidi diahuebs pa informacion, manera cifranan di
migracion y e posibel scenario si e situacion empeora. Pero e informacion ey no a wordo
suministra grandemente segun e ministernan responsabel Plasterk y Koenders. Plasterk a
bisa diahuebs cu e no tin cifranan nobo di migracion, ni kier comparti esaki cu Tweede
Kamer, riba peticion di Aruba y Corsou. Segun e islanan, Hulanda por stimula e
migracion di Venezuela cu e informacion ey.

ASILO

Segun e gobierno demisionario na Hulanda, ta apenas un fraccion di Venezolanonan
illegal ta yega e islanan via boto. Pa Venezuela no tin necesidad di visa pa drenta e
islanan. Mayoria ta yega como turista, pa un duracion largo, pa despues disparce como un
illegal. Te cu awor, di e tres islanan, ta un Venezolano so a pidi asilo na Bonaire. E
peticion ey a wordo trata y rechasa segun Plasterk. Esun cu a haci e peticion, a wordo
manda bek despues cu e no a apela e decision.