Page 117 - MIN JUS

DI parti di Santa Rosa y formando parti di bestuur di Hadicurari, Sra. Maduro ta
lamenta hopi con e proceso di e ley di piscamento a bay. Manera a wordo
menciona anteriormente, algun coleganan a haya oportunidad pa duna conseho.

Pero lamentablemente, bayendo bek pa controla tur e rapportnan cu a yega di
entrega, semper a di no bin cu prohibicion. Esaki lo tin su efectonan negativo

riba e piscadonan, ya cu ta papia aki di Sector Primario.

Sra. Maduro a enfatisa cu e ley no ta cay bou responsabilidad di Santa Rosa,
pero den varios oportunidad a traha rapportnan y bin cu sistema di zonificacion

pa asina por tin miho control. Otro sugerencia cu a duna ta cu enbes di prohibi,
bin cu regulacion. Tambe lo mester a bin cu’n campaña di conscientisacion pa
asina hendenan por compronde pakico e leynan aki ta tuma luga.

Por bisa cu desde Augustus aña pasa a pidi den nomber di directiva, un reunion

cu e director di departamento di Medio Ambiente, pero esaki a contesta cu e no
ta traha a base di rumor dus e no mester bin cu’n reunion. Tambe a reuni cu

Warda Costa y cada biaha cu tabata purba yega na nan, tabata dificil. Como un
departamento cu ta encarga cu sector di Pesca, e lo tabata mas cu etico cu nan

por a haya e copia di un concepto di e ley, prome cu el a wordo firma. E tin di
haber cu’n sector y ta papia di solamente di Pesca, pero ainda falta e lista di
matanan local cu no mag wordo kita mas.

Ta haya tambe e criadonan, nan tambe ta bay tin cierto retonan cu e ley aki, pa

motibo cu tin e criadonan cu tin e custumber di laga e bestianan cana los. Pero
a pasa un ley cu ta limita nan, pero kico como gobierno a bin cu solucion cu

nan. Di parti di Santa Rosa, Sra. Maduro mes a sinta den varios reunion pero
lamentablemente, nan sugerencianan tampoco a wordo teni na consideracion

den e parti ey. Dus pa loke ta trata e parti di pesca, Santa Rosa hunto cu nan
experto ariba bida marino, nan lo bay traha un rapport atrobe, of miho bisa, lo
traha un recapitulacion di tur e rapportnan cu nan a yega di manda caba.

Kisas un gobierno nobo, cu Santa Rosa lo por convence e minister ey di Sector

Primario, kende cu e por ta of e esun nobo, cuminsa na realisa cu e sector