Page 22 - ATA

Asina tin diferente edificio, manera Ministerio Publico cu ta na benta. Esey ta sector priva lo tin cu
cumpr’e y desaroye. Asina ta pasa riba e lista. Edificionan di Gobierno cu por uza pa baha huur, ta
drecha, uza, otronan cu no por uza pa motibo di e funcionalidad, manera Douanekantoor, tambe ta
wordo bendi. E ora ta traha un otro luga nobo.
Asina ey ta purba di pasa door di e lista di Gobierno. Un cos tin di bisa, cu na momento cu a drenta
Gobierno, a huur 65 mil meter cuadra for di sector priva y tin 68 mil meter cuadra cu ta bashi. A rais di
esey a cuminsa drecha e edificionan.

Riba lista
E edificio di Ex Esso Lagoen tabata riba nan lista cu diferente punto su tras. Un di e puntonan tabata por
ta cu lo a haci’e e oficina di City Inspector, cual lo bira inspector di henter e area. E otro tabata cu tabata
tin diferente comerciante cu tabata tin interes den dje y ta evalua na e momento ey cua di e posicion cu ta
service e area, cu ta fit mas den e area y cu ta duna un realse na e area y den e masterplan. Den e caso aki,
e gym ta fit precies den dje. Kier promove movecion, conecta cu Linear Park. E ora ta busca un otro
caminda pa City Inspector.

Un biaha mas, cada proyecto ta wordo evalua kico ta e miho pa e comunidad y pa e masterplan di
Gobierno, segun Minister Benny Sevinger.