Page 26 - ATA

Tur edificio di Gobierno cu wordo bendi ta a base di
taxatierapport

Wednesday, 07 June 2017 21:34
Comparti

Tur edificio di Gobierno cu ta wordo bendi, ta wordo bendi a base di un taxatierapport. Esaki ta segun Minister Benny Sevinger. E
taxatierapport cu e minimuminzet prijs. Ta mand’e destaho publico prome y si no tin ningun interes den destaho publico
, esun cu bin cu ta interesa den cumpr’e cu ta paga loke at wordo calcula, por bende directamente na nan. E edificionan aki a bay destaho
aña. Tabata tin interes, pero no kier paga e prijs di loke e taxatie ta bisa y e ora ey a pon’e riba mercado un biaha mas pa esnan cu ta interesa
y kier paga e taxatie. Si kier paga bao di e taxatie, mester bay Parlamento pa aprobacion y esey no ta riba lista di Gobierno.

Warda di polis
Warda di polis tambe ta na benta. Tin diferente hende cu ta interesa den esaki. Na e momentonan aki a peticion di minister presidente, a
reuni cu SOGA, unda cu ta bay bin un MFA na Dakota y hunto cu MFA na Dakota, ta bay bin un warda di polis completamente nobo cu ta
bay duna servicio na e parti di Oranjestad y p’abao di brug. E ora ey e edificio di warda di polis ta bay wordo bendi.
En principio a yega un areglo cu ATA pa esey bira nan oficina, pero despues di reevalua e planesnan y e desaroyonan dilanti waf, DOW lo ta
mas miho pa e edificio di ATA y esey ta bezig cun’e. E edificio di warda di polis tambe ta na benta pa esnan cu ta interesa pa cumpre.

Douanekantoor

Oficina di Douane tambe a bay destaho. Tabata tin hopi interes. Hendenan a cumpra e bestek, pero nan no a haci bid. A acerca Gobierno pa
cumpre, pero kier pa baha e prijs. Mientras tanto ta bezig cu diferente otro instituto manera fondo di pensioen y seguro, cu mester inverti
parti di nan presupuesto, cu ta interesa den cumpr’e. Pero ta wak si nan ta paga e taxatie, lo bende e ora.

Exigencia

Segun Minister Sevinger, ta pone un lista di rekisito pa cual e edificio aki por wordo desaroya y den e rekisitonan ey, depende unda e edificio
ta, ta pone regla. Tur esey ta poni den e proyecto. Na momento cu un hende mustra interes, e sa kico e por haci cu e edificio y kico no mag di
haci cu e edificio, segun minister Benny Sevinger.