Page 30 - MIN,SOC PAUL CROES JAN 23,2015



Candela y huma halto atrobe di
dump a hala atencion awe

Posted on 01/23/2015 11:26 am AST | Updated on 01/23/2015 11:37 am AST

ORANJESTAD – Un biaha mas e candela riba dump na Parkietenbos tabata halto y a
hala hopi atencion awe mainta. For di tempran, ciudadanonan na Playa tabata puntra nan
mes tambe kico a pasa, mientras cu otronan tabatin simplemente e comentario ‘hasta
cuando’. Loke ta haci e asunto mas notable ta cu e sitio y direccion di biento, ta manda e
huma den direccion di Playa, unda cu e ta pasa banda di e.o, lugarnan crucial manera waf
y aeropuerto. Tur dos ta sitionan cu por wordo afecta pa e cantidad di huma.
NoticiaCla.com a compronde cu e candela no ta uno nobo sino mas bien uno di algun dia,
cu door di e situacion di biento, a bolbe lanta (e tabata kima abou varios dia caba), y
causa e huma grandi atrobe. Pa completa e obra, awe mainta tabatin accion di e
trahadonan di Serlimar na dump, cu a pone hopi kere cu esaki tabata algo delibera pa hala
atencion di esnan concerni. Algo cu mesora a wordo desbarata pa e presidente di e
sindicato STA, esta Diego de Cuba. Riba e potret por mira varios impresion di e candela
cu un biaha mas awe a hala atencion.

http://noticiacla.com/news/2144