Page 25 - MIN,SOC PAUL CROES JAN 23,2015

Diabierna mainta trahadonan di Serlimar a yama nan sindicatonan pa anuncia cu nan
no lo cobra nan salario paso no tin placa pa cual sindicato STA a pone un accion di welga
pa asina haya atencion di gerencia , aki despues di e reunion un banco a bay acuerdo pa
presta Serlimar placa pa cumpli cu salario segun sr Diego de Cuba di STA ta splica.
Serlimar a yega na acuerdo cu e trahadonan cu ta cobra via e banco encuestion cu nan lo haya nan placa riba nan
cuenta bancario awe mes y e otro trahadonan tur lo ricibi un check awe mes.
Segun sr. De Cuba esaki ta un situacion cu no ta comun y ta prome biaha cu e ta pasa.
Sr. De Cuba a sigui bisa cu Serlimar tin mas di 5 miyon florin ariba caya pa cobra. Tin di e companianan aki te hasta
a bati bancarota.
Diego de Cuba ta mira esaki como un consecuencia ora e minister encuestion no ta duna oido ora sindicato ta haci
apelacion ariba dje. Segun sr. De Cuba a trece dilanti minister Mike de Meza a bin cana rond aña pasa na Serlimar
pero nunca a sinta na mesa cu e sindicato pa nan por intercambia di pensamento y por tende tur nan
preocupacionnan.
De Cuba a bin constata cu tin personanan di den e compania Serlimar ta treciendo un division entre e trahadonan pa
beneficionan personal. Esaki ta causando un problema hopi grandi pa e compania. STA te ainda ta mantene e
mayoria absoluto di representacion di empleadonan.
STA a manda un carta pa minister de Meza di tur e problemanan cu tin na dump na e momentonan aki. STA lo no
permiti e situacion na dump bay completamente for di man pa despues gobernantenan regala dump na un famia
miyonario cu pueblo henter sa ta ken. STA ta lamenta e situacion aki.