Page 20 - MIN,SOC PAUL CROES JAN 23,2015

den nan 5 aña di existencia como un fundacion serio, dynamico, cu hopi fe y cu bo por conta ariba
dje. Alaves FPNC ta gradici tur esnan cu di un forma of otro a aporta, pues nos voluntarionan, tur
instancia cu tin lasonan di cooperacion cu FPNC y pues a contribui na yuda famianan na momentonan
crucial den nan bida, poniendo cuminda ariba mesa. Tin diferente manera pa comunidad duna su granito.
Sea via articulonan di cas, paña, cuminda (di bleki) pero tambe via donacion financiero. Tambe por join e
team dinamico di voluntarionan cu ta traha cu hopi dedicacion pa yuda FPNC den su trabao. FPNC pa fin
di januari lo anuncia na comunidad di Aruba encuanto e plan y enfoke pa 2015. Di antemano ta gradici
Aruba pa den 2015 pone nan Man na Curazon y sigi sostene y aporta na e causa di FPNC.

http://masnoticia.com/stichting-casa-cuna-progreso-ricibi-un-donacion/

Stichting Casa Cuna Progreso a ricibi un donacion

 Jan 23rd, 2015
 Local

Miembronan di e hunta di directiva di La Cabana Beach Resort & Casino y e resort su comision ehecutivo a
organisa un evento hopi disfruta, unda cu Faye Doctrow, acompaña pa su yiu homber Rick, a entrega un check di
donacion na Stichting Casa Cuna Progreso, na nomber di su defunto esposo, Martin (Marty) Doctrow, ex-Presidente
di e Hunta di Directiva di La Cabana su Asociacion Caritativo pa hopi aña.
Prome cu nan a entrega e check, Faye a conta cu Marty tabata stima Aruba. E tabata stima La Cabana tambe y mas
cu tur cos e tabata stima su yiunan, y Marty, Faye a splica, lo a keda hopi conmovi cu e donacion aki. Faye tambe a
expresa e speransa cu e gesto aki lo yuda e muchanan cu ta biba na e Cas di Mucha Casa Cuna.
Carlos Albertus, Vice Presidente di Casa Cuna su directiva, a expresa e aprecio di e cas, y a confirma cu en berdad e
cas ta den necesidad di fondo adicional, y lo haci bon uso di e donacion aki.