Page 23 - MIN,SOC PAUL CROES JAN 23,2015

Despues di e caba di sinta na mesa cu sindicatonan nos a papia cu director di Serlimar Richard Fingal, kende a splica
mas cu e placa riba caya ta algo cu tin Serlimar den un situacion financiero serio paso ta hopi hende debenan y
specialmente gobierno. E situacion cu Serlimar no ta uno cu ningun hende sa di dje. Serlimar no ta pasando den su
miho temponan financiero. Tin yen di placa pa haya di diferente compania y hasta di gobierno y placa no ta drenta
na ora.

Esey por pasa cu cualkier compania. Cualkier compania c uta den un maneho, por hay’e un rato den dificultad cu e
no por cumpli cu su promesanan mesun momento. Si a garantisa awe mainta cu tur hende lo wordo paga awe via
banco. Unico problema tin ta cu tin un banco caminda e placa ta bay y for di e banco ey ta wordo transferi pa otro
banconan, c uta dura para di dia. Loke ta purba di haci awor aki ta pa meet expectations, pa purba di skirbi varios
check cu nan por cobra alsnog, pa tene e trahadonan un tiki calmo.

Ayera Serlimar no tabata tin placa. Awe tabata den e proceso pa genera placa. Tabata tin placa ayera pero no
suficiente pa cubri tur cos. Ta papiando aki di 180 persona, ta un base di salario hopi grandi y ta trata aki di mey
miyon florin y no tur ora e ta disponibel tur caminda. Tin placa pa haya, pero no ta tur placa ta drenta manera mester
ta Tin biaha placa ta drenta y tin cosnan importante pa wordo soluciona.

Tin acuerdo, contractonan. No ta bisa cu e trahadonan no ta importante y Serlimar kier cumpli cu nan. Simplemente
no tabata tin e suma completo e momento ey. Awe tin e suma completo y awor aki ta cumpliendo cu nan. Ta un dia
laat sin embargo pasobra ayera tabata supone di a paga, pero awe ta pagando. Pa e 5 miyon cu Serlimar tin riba caya
kico ta bay haci cu esaki paso e placa ta hopi y e problema lo por keda presenta pa cual aki Fingal ta splica nan
proceso cu lo bay tin pa drecha e asunto financiero.

Tin diferente manera pa soluciona esaki. Mester bay tras di tur e empresanan cu pa añanan largo c uta debiendo
Serlimar y nunca a wordo cobra na ora. Tambe gobierno tin un problema cu tambe tin su problemanan financiero pa
transferi placa na momento pa Serlimar haya di dje.

Loke Serlimar tin cu busca ta un solucion financiero structura. Cu structura ta pa yega un acuerdo cu banco, caminda
ta garantisa cu e cantidad di placa ta keda fiho. Aunke cu por ta den un caida, pero cu nan ta cubri e momento cu ta
den e caida ey. Ta un situacion cu tin cu yega como Serlimar y nan a yega hopi leu den su organisacion di piki sushi
y duna servicio, pero tambe tin cu yega na un trankilidad financiero, manera tur compania.