Page 16 - MIN,SOC PAUL CROES JAN 23,2015

Codigo Civil lo fortifica derecho di nos Muchanan

· Jan 22nd, 2015
· Local, Politica

Durante conferencia di prensa Mervin Wyatt-Ras a trese padilanti cu diaranzon e comision parlamentario
encarga cu Husticia, encabeza pa sra. Desiree de Sousa-Croes y esun encarga cu Asuntonan Social y
Salubridad, encabeza pa Mervin Wyatt-Ras a reuni cu Professor Jan de Boer y diferente profesional
invita tocante e “aanvullingen” ariba nos Codigo Civil. Entre otro tabata presente Orde di Abogadonan,
Notarionan, Directie Wetgeving, Departamento di Asuntonan Social y Voogdijraad. Desde 2009 un
Comision a ser institui pa traha ariba e proyecto di ley presenta. Despues di splicasion amplio di e
diferente bukinan di cual e ley ta consisti, miembronan di Parlamento y invitadonan a haya oportunidad
pa haci pregunta na Profesor de Boer. Tin varios cambio interesante den e ley. Pa loke ta trata derecho
di persona y famia e mucha lo por bai carga fam di su tata y su mama of combinacion. E mucha lo por
cambio e fam tambe den caso deseabel. Den e ley pa loke ta trata stipulacion di ken ta e tata e mucha
por haci un peticion pa ser reconoci dor di su tata durante henter su bida. E por haci un peticion di
reconocimento te hasta despues cu su tata biologico a fayece. E consecuencia di reconocimento ta traha
te na su nacemento. Importante ta cu e Meldpunt di maltrato di mucha awor ta ancra den ley. Ta regla
alavez cu esnan cu entrega keho ta keda anonimo, locual sigur lo baha e drempel pa entrega keho. Pa
medio di ley educacion dor di mayornan ta ser defini y ta ser fiha cu ” den cuido y educacion di e mucha e
mayornan no por uza violencia fysico ni mental of cualkier otro trato denigrante. Esaki sigur lo yuda
esnan cu ta traha na proteha mucha. Tambe por bisa cu verlof di embarazo y parto a ser inclui den e ley
y e aspecto di cria e baby cu pecho of “kolf” na pia di trabou. Segun Wyatt-Ras tin mas punto pa trese
padilanti pero e kier a limita su mes na esakinan. En general e cambionan lo fortifica derecho di nos
ciudadanonan.
Ariba pregunta di prensa Wyatt-Ras a contesta cu nos Codigo Civil ta anticua y awor e ta ser mas
actualisa. E ley ta cuadra cu e Codigo Civil di Corsou y di Hulanda adapta na e situacion di Aruba.
Profesor de Boer a traha ariba e ley y awor a base di comentarionan di e diferente profesionalnan
organisacionnan y instancianan lo por trese cambio den e ley. Ora e proceso aki finalisa por trata e ley
den reunion publico.