Page 31 - min on

Un periodo di stage na e organisacion cu ta traha pa prevencion uzo di droga (FADA), a trece e idea cerca
un studiante di EPI, Rulienne Arends, pa organisa hunto cu su colega un Feria Familiar. Rulienne
Arends, ta studiante di tercer aña di “Welzijn” na EPI y a haya un cupo pa stage na FADA hunto cu otro
compañera di studio.

FADA recientemente a habri un oficina na San Nicolas y e hobennan a pensa riba algo cu lo por yuda crea
consciencia riba e trabou cu e organisacion aki ta desplega. Asina a surgi e idea pa organisa un Feria
Familiar riba diadomingo, 31 di mei, for di 12’or di merdia pa 4’or di atardi na YMCA San Nicolas.
Rulienne Arends a splica cu riba e dia aki lo tin actividad pa e bishitantenan di tur edad, asina tin e
tradicional wega manera Dino Jump, y pa come popcorn y raspao, mientras cu pa e grandinan lo tin
entre otro mesa di domino y otro weganan, mientras cu por cana rond busca informacion. Den e parti di
musica lo tin entretenimnto di DJ Hyper y e Banda GIG (God Inspired Group). Mey-mey di tur e
diverticionnan aki, tin 5 booth unda trahadonan di FADA ta brinda informacion riba tur e tipo di trabou
cu nan ta haci y eventonan cu nan sa organisa. Na mesun momento ta informa e bishitantenan, cu FADA
tin un oficina awor na San Nicolas pa brinda e servicionan necesario na e comunidad di bisindario.

E evento aki no ta dirigi specificamente na un grupo special, pasobra e chikitonan por wordo mustra riba
e peligernan of forma den cual droga ta wordo ofreci na nan, e hobennan tambe por haya informacion di
e peligronan di uzo di droga pero por busca material pa scol tambe y naturalmente mayornan cu tin
yiunan cu ta bay scolnan grandi por haya tur informacion encuanto di droga y alcohol.

Mayornan cu tin pregunta, por combersa cu team di FADA y tambe por papia riba e preocupacionnan
individual cu nan por tin.

Segun Arends, e idea a surgi despues cu nan a wordo puntra kico asina por haci pa atrae hobennan pa
busca informacion y kico por haci pa duna mas publicidad na e oficina nobo di FADA cu a habri na San
Nicolas. “Nos a duna un par di idea y nan a puntra nos si nos kier haci algo. Asina nos a pensa riba un
Feria Familiar. E ta un experiencia nobo, den organisacion, y un team completo di e Fundacion cu ta kere
den un proyecto asina. E ta algo nobo cu nos por siña di dje,” Arends a duna di conoce.

http://www.24ora.com/local-mainmenu-5/95476-feria-familiar-di-fada-dia-31-di-mei-na-ymca-san-
nicolas

http://masnoticia.com/studiantenan-mester-bay-haci-un-gran-esfuerzo-si-nan-kier-haal-nan-diploma-
di-havovwo/