Page 29 - min on

Marouschka Cornelie a splica cu SIMAR a dicidi di bay bek
na e regla di antes

Sunday, 24 May 2015 15:41
Comparti

Sindicato di Maestro di Aruba, SIMAR a duna tur di nan banda pa brinda sosten na e
docente Suki Croes kende tabata den problema na Scol Primario Kudawecha y ta spera
tur cos bon pe, pero no ta involucra nan mes mas den e caso aki.

Loke si SIMAR ta dune apoyo moral y nan ta sigui monitor e caso. Por ehempel nan a
tuma contacto e siman aki cu e minister di enseñansa encuanto e resultadonan di e
investigacion. E mandatario a bisa SIMAR den un reunion riba dia 7 di april cu e
investigacion lo ta cla den menos di un luna.

Miembro di directiva di SIMAR, Marouschka Cornelie a splica cu SIMAR a dicidi di bay bek
na e regla di antes, unda cu directivanan den pasado semper a mantene cu e docento cu
no ta miembro simplemente no ta miembro y SIMAR ta yuda e docente cu ta miembro.

Cornelie a splica cu e decision aki a wordo tuma durante di e caso di Suki Croes. Echo ta
cu Suki Croes no ta miembro di SIMAR, pero directiva di SIMAR a brinde sosten completo.
Nan a involucra nan abogado pa dune conseho y hasta tuma pasonan huridico, nan a
acerca Dienst Publieke Scholen y a reuni cu minister, pero tambe por ehempel a brind’e
apoya sintando 16 ora den Parlamento dia cu Minister Hooyboer-Winklaar a wordo invita
pa discuti e caso.

Marouschka Cornelie ta añadi cu despues cu SIMAR a steun e maestro den tur loke nan
por a steun e, Suki Croes a bisa nan cu e lo bay cu su mesun abogado, esta Hendrik
Croes, kende a lanta un caso pe pidiendo juez pa stop e investigacion y declara nulo e
carta di schorsing. Den e caso aki juez no a dicta na fabor di Suki Croes.

SIMAR y su abogado a sali di e punto di bista cu e carta cu sancion no a yega na man di
Suki Croes segun e procedura corecto. Abogado di SIMAR, David Kock tabata esun cu
primeramente a haci e peticion pa Suki Croes por bay traha su mesun trabao bek. Prome