Page 30 - MERVIN WYATT RAS

Nan ta bay dicta kico ta bay pasa den nos pais

ORANJESTAD (AAN) – Minister Arthur Dowers, den conferencia di prensa a cuestiona e
lider di MEP sra. Evelyn Wever-Croes, ken ta bisa cu e no tabata sa nada di ningun

fondo di pension ni cu e situacion financiero di Aruba ta malo, siendo cu e tabata masha
bon informa.

Dowers a indica cu CFT a pone tur cos cla riba papel, y cu sra. Wever-Croes a haya tur

e informacion aki, y ora el a bay cas di famianan, el a instrui su hendenan bisando cu
MEP ta bay baha edad di pension na 60 of 62 aña, y Dowers ta kere cu e tabata hopi
bon informa riba e situacion di fondo di pension.

“E sa tambe con nan a laga e fondo di pension ocho aña pasa, y e sa tambe tur e
esfuerzonan cu nos partido a haci bao di liderazgo di sr. Mike Eman e tempo aya”,
Dowers a expresa.

E tempo ey AVP a scoge pa no bay den confrontacion cu comunidad y cu ningun hende,
pero cana e caminda di dialogo pa yega na soluciona tur e problemanan cu MEP a laga
atras.

Dowers a sigui bisa cu e lider di MEP a bay campaña ganando e pueblo bisando cu e no
tabata sa cu e situacion financiero di Aruba ta malo, y pesey nan kier tuma medida
contra pueblo.

E dignatario a agrega cu AVP ta conoce bon e modus operandi di partido MEP, pero mas
esun di Otmar Oduber. E mesun modus operandi aki e tabata kier pa AVP introduci e
temponan aya.

E lider politico sr. Eman a bisa cu no, cu nan ta bay traha habri, na un manera
transparente, y cu ta bay inclui comunidad den e solucion di e problemanan cu tin.

Y aworaki por mira cu nan ta bay sconde tras di e presupuesto di otro aña y ta bay

cuminza prepara e medidanan. Segun Dowers awor nan ta bay busca solucion di e
problemanan na Hulanda, pasobra tin un señor Bosman cu ta amigo di Evelyn pero
enemigo di Otmar, pero awor hunto den un grupo cu a yuda nan den campaña y lo
prepara un coalicion, y AVP sa nan agenda pa loke ta trata nos pais.