Page 31 - MERVIN WYATT RAS

“Si mi a compronde bon nan ta bisa cu nan no por cumpli cu ningun promesa cu nan a
haci, pasobra aworaki e buraco ta mas grandi cu nan a kere.

“Mi a tende tambe cu sr. Oduber a trece pa dilanti cu ta un escandalo…si mi ta bay

papia di tur escandalo di señor Oduber e lo kita mucho tempo awe pa mi trece nan,
pero di tur escandalo di dje, mi ta papia otro siman”, Dowers a subraya.

El a subraya cu ta un escandalo segun sr. Oduber cu a sobrepasa e presupuesto di

husticia cu 12 miyon florin na e momentonan aki. “Laga mi informa comunidad cu na e
momentonan aki, y mi a laga Finanzas haci un calculacion pa mi, ainda tin 43 miyon
disponible na e momento aki pa nos percura pa tur e movecion cu nos tin keda core te
cu fin di aña”, Dowers a indica.

E mandatario a splica cu tin areanan, por ehemplo overtime, cu berdaderamente por
sobrepasa e presupuesto, pero esey no ta pasobra nan ta iresponsable y tampoco ta un
escandalo.

“Ta un escandalo na momento cu bosonan mes ta manda hende comete atraco, y boso
ta lanta hende contra comunidad, pasobra segun bosonan tin inseguridad. Na momento
cu nos paga nos polisnan pa nan cumpli y mantene e seguridad den nos pais, boso ta

yame un escandalo”, minister di Husticia a subraya.

“Mi ta spera señor Oduber, cu e escandalonan cu bo ta aden, cu mi ta bay publica nan
poco, poco e dianan cu ta sigui, cu bo ta para y bo tin bo contestanan. Pero mi ta haya

si, cu ta bergonzoso cu un politico cu a forma parti di un gobernacion pa siete aña
largo, bo a calcula con bo por a sali y bo a purba na momento cu bo a sali di influencia
cierto parlamentario di nos partido pa baha gobierno, anto mi ta spera cu e dori cu ta
bay goberna aworaki, sa cu e scorpion aki ta bay ta continuamente bezig, pasobra den

nos partido mes cu tabata tin diesdos asiento, el a purba influencia nos Parlamento, pa
baha gobierno”, Dowers a acentua.

El a enfatiza cu e trankilidad y stabilidad cu nos pais tabata tin e ultimo 16 añanan no

ta bay tey mas, pasobra no ta pueblo a gana e eleccion aki sino cinco of seis
comerciante cu a pone placa disponible, pa a cumpra cierto hendenan y e ta sigur cu ta
nan ta bay dicta kico ta bay pasa den e pais aki.