Page 60 - Update Newspaper Minister Paul Croes

Situacion RIU/Radisson ta crea incertidumbre pa
trahadornan

Publication: Monday, 8 June 2015. Categoria: General

Minister Paul Croes:

ORANJESTAD (AAN): ”Trahadornan ta esnan cu ta worde perhudica pa e incertidumbre den e
caso di Radisson. Esei ta mi preocupacion principal, y ta haciendo lo posibel pa nos no haya un
Westin Part 2 den e caso aki”, tabata reaccion di Minister Paul Croes den e caso di
Radisson/RIU.

Minister Paul Croes ta comparti e opinion y ta di acuerdo cu maneho di Gobierno di su colega
Minister di Turismo sr. Otmar Oduber riba e all inclusive resorts pa Aruba.

“E situacion cu a presenta siman pasa y cu tin asta un caso den Corte no ta nada bon pa e
trahadornan di Radisson Hotel. Ta personanan cu a dedica nan bida den e sector hotelero y unda
hopi famia ta haya nan entrada di esaki. Mi lo no kier bolbe mira un situacion manera Westin
sosode cu e trahadornan, pesey nos ta sigui e caso aki di cerca”, Minister Paul Croes a mustra.

E siman aki Minister lo ta reuniendo tambe cu abogadonan di RIU Hotel pa asina mustra nan
riba e preocupacionan cu tin. Gobierno ta haciendo su esfuersonan pa asina e trahadornan no
sinti efecto di e situacion cu a presenta.

Minister Paul Croes ta den contacto tambe cu e cumpradonan actual di e hotel pa asina ta
informa riba tur e pasonan den e caso aki. Minister Croes no kier a comenta mas, como cu e kier
warda riba e decision di huez den a caso aki prome.

http://www.diario.aw/2015/06/situacion-riuradisson-ta-crea-incertidumbre-pa-trahadornan/