Page 19 - MIN ON - APRIL 10,2015

Entrega di cuenta anual y relato anual 2014 na
Minister di Enseñansa

· Apr 9th, 2015
· Local

E entregamento di nos jaarrekening a tuma lugar diamars dia 7 April ultimo cerca Minister di Onderwijs.
Di e forma aki e fundacion ta cumpli cu e disposicion legal pa redacta un cuenta anual dentro di tres luna
despues di e aña corespondiente.Loke ta nobo ta cu e cuenta anual di 2014 ta redacta segun un norma
nobo cu ta e elaboracion Hulandes di e standard internacional GAAP (Generally Accepted Accounting
Principles).Esaki ta mehora e calidad di e cuenta annual y a cu e norma nobo ta mas exigent ora di rubric
cifra. E cuenta anual ta contene un relato annual amplio di e directiva.

E relato anual ta indica cu a realisa hopi actividad den 2014. Tanto den e area di enseñansa, di asunto di
personal como di informatica. E fundacion ta informa cu tin un resultado negativo di Awg. 250.000,- di un
suma total di Awg. 22.9 miyon di gasto di administracion.

Exigencia mas pisa pa examen final
Na aña 2014 a tuma luga preparacion pa introduccion di e exigencianan nobo di examen y di e norma pa
slag pa e aña escolar 2014-2015; e ampliacion di e cantidad di materia di examen pa HAVO cu tawata 6
y lo bira 7 y pa VWO e tawata 6 y lo bira 8 entrante aña escolar 2015-2016. E keuzevakken nobo pa
bovenbouw (ciclo avansa) ta Papiamento, Filosofia y Informatica. Den cooperacion cu Directie
Onderwijsa traha riba e profielnan nobo y e lessentabel di e curiculo nobo pa e añanan binidero. A
entrega esaki como conseho
na Minister di Enseñansa. Lo introduce aritmetica (rekenen) pa ful e scol cu ta encera 1 lesuur pa siman
entranteaña escolar 2015-2016. Desde aña escolar 2014-2015 a mehora e maneho di ausencia y
yegamento laat. Banda di esaki a introduci e obligacion di raporta na un dokter den caso cu un alumno ta
ausente ora di examen y/of proefwerk.

Desaroyo nobo
Tawatin contacto structural cu e oficina di Enseñansa obligatorio tocante e ausencia di e alumnonan di
Colegio Arubano. A cuminsa y a continua cu un cantidad di proyecto chikito cu tin di haber cu sosten pa
cu e enseñansa, e cuerpo di docente y e alumnonan. Pa indica algun: guia pa docente, nombramento di
tres coordinado di prueba pa controla e calidad di nos pruebanan, extra les pa alumno, e corant “Amigoe
op School” pa stimuli e uzo di idioma Hulandes bou di e alumnonan, orkesta di scol, conseho di alumno
(leerlingenraad), proyecto di scol saludabel, continuacion di elaboracion di e material Hulandes.

Infrastructura
SETAR a instala un sistema di internet “highspeed” na comienso di aña escolar 2014-2015. Esaki
despues di aproximadamente un aña di preparacion. Awo e facilidadnan di internet y wi-fi na Colegio
Arubano a mehora considerablemente. Tur alumno y personal tin acceso gratis na wi-fi riba tereno di
scol. En principio no lo tin problema mas pa atende cu e leerlingvolgsysteem y cu e registracion di
ausencia. Den vakantie grandi entre eaña escolar 2013/2014 cu 2014/2015 a coba seis pos cu un
profundidad di 15 meter pa remedia e problema di awa ora awa yobe hopi. Periodicamente a/ta laga spuit
henter e tereno y e lokaalnan contra Dengue y Chikungunya. A elimina e baraknan cu ya no ta den uzo
mas. Na 2014 tabatin 1600 alumno y 105 docentena Colegio.