Page 20 - MIN ON - APRIL 10,2015

http://masnoticia.com/entrega-di-cuenta-anual-y-relato-anual-2014-na-minister-di-ensenansa/

Minister Paul Croes: Famia ta central den maneho social

Thursday, 09 April 2015 21:54
Comparti

"Tur problema social ta cuminsa y caba den un famia. Pesei e anjanan nos dilanti enfoke lo continua den
fortifica e fundeshi di nos sociedad cu ta famia", Minister Paul Croes a mustra despues di un encuentro
importante cu Tienda di Educacion. Tienda di educacion ta un fundacion pa famia y a presenta nan
metanan na Minister di Asuntonan Social drs. Paul Croes.
Minister Paul Croes a sinta cu representantenan di Tienda di educacion pa asina ricibi tur informacion di
loke e fundacion aki ta ofrece pa yuda famianan cu ta den dificultad.
Sra. Corina Linsen cu ta e coordinadora di Tienda di Educacion a splica minister Croes con nan
fundashon ta opera y mas ainda e planan di guia cu nan tin pa yuda mayornan ora cu presenta
problemanan cu nan teenernan. E fundacion ta yuda guia den fasenan di desaroyo di 0-10 aña y tambe di
10 – 22 unda hopi biaha ta unda e problema ta bira mas grandi.
Mesun cos cu pa muchanan tin telefon pa hubentud 131 pa e adultonan tambe tin telefon 161 pa
mayornan cu kier pidi ayudo y guia. "Guia, apoyo y sosten na mayornan ta hopi necesario. Hunto cu
Minister Hooijboer encarga cu maneho di famia, nos kier fortifica e apoyo aki na cada hogar cu tin
necesidad den esaki", Minister Croes a mustra. Minister Croes lo inicia algun projectonan dirigi riba
famianan cu mester e guia aki den nos sociedad. "Hunto cu e fundacionan aki, departamento di
asuntonan Social nos kier fortifica e fundeshi di nos sociedad. Famia ta riba nos lista di prioridad",
Minister Paul Croes a mustra. Tienda di educacion ta enfoca riba charlanan pa mayornan y ta yuda cu
tools pa lanta nan jiunan. Un guia con pa yuda e muchanan desaroya cu respet y e forma con mayornan
mester comunica mas cu nan jiunan.
Minister Paul Croes a bisa cu “na 2014 a pone hopi enfasis ariba hobenan na Aruba y pa e siguiente
añanan lo sigi pone enfasis riba hubentud, pero den e contexto di un famia fuerte, ta hasi un hoben mas
fuerte". Tienda di Educacion ta enfoca riba e famia y mi ta mira cu nan tin programanan cu ta yuda guia
tambe mayornan hoben cual ta yuda sigur pa e union familiar.

http://www.24ora.com/politica-mainmenu-18/93915-minister-paul-croes-famia-ta-central-den-
maneho-social