Page 2 - MIN SOC JAN 5,2016

Proyecto Ban Traha lo wordo fortifica den 2016

Publication: Tuesday, 5 January 2016. Categoria: General

Minister Paul Croes:

ORANJESTAD (AAN): E tremendo proyecto cu awor ta incorpora den e maneho social di nos
pais “Ban Traha” lo wordo ainda mas re-enforsa e aña nos dilanti. Minister di Asuntonan Social
y Labor ta keda pone enfasis riba mas participacion riba e mercado laboral pero tambe apoyando
esnan di menos recurso.

E Proyecto Ban Traha a inicia na Januari 2014 unda tabatin 2910 persona de bijstand. Te cu
December 2015 e cantidad aki a keda reduci cu mas di 350 persona. Gran parti di esakinan awe
ta goza di un empleo.

Esaki ta un reduccion di e presupuesto di onderstand cu mas di 3 miyon florin. “E maneho di re-
integra hendenan cu un bijstand riba e mercado laboral lo continua aun mas fuerte den 2016. Nos
a aserca un compania pa asina apoya nos den e esfuerso aki.

Personanan lo ricibi guia y educacion pero tambe un contacto directo cu companianan pa asina
yega na un empleo. Ta trata di un grupo di 35 persona cu lo wordo inclui den e programa
specifico aki. Un programa cu na Hulanda a funciona den un forma exitoso”, minister Paul Croes
a mustra.

Den 2016 e meta ta pa sigi stimula hende cu por traha pa realmente bai traha. Den pasado (y
ainda) tin hende cu ta cobrando bijstand pero cu no merece esaki. Ta hendenan cu ta saludabel y
cu por traha. Hunto cu departamento di Asuntonan Social y Departamento di Progreso laboral
(DPL) lo sigui cu e proceso aki.

http://www.diario.aw/2016/01/proyecto-ban-traha-lo-wordo-fortifica-den-2016/