Page 3 - MIN SOC JAN 5,2016

Programanan Social y di Hubentud lo continua den 2016

Publication: Tuesday, 5 January 2016. Categoria: General

Minister Paul Croes ta anuncia

ORANJESTAD (AAN): “Gabinete Mike Eman II lo continua su enfoke riba nos hobennan di
Aruba. Programanan manera Feria Social y Poder di Hubentud lo sigui den 2016″, esaki minister
di hubentud drs. Paul Croes a mustra den un entrevista reciente. Feria social tabata e prome
programa nacional unda hobennan ta haya e oportunidad di participa cu varios fundacionan na
Aruba.

“Meta principal di e proyectonan social aki ta pa encurasha hobennan pa ta mas participativo den
e tereno social. Conoce nos fundacionan y siña kico cada Fundacion cu meta social ta haci na
Aruba. Asina nos ta stimula trabaonan boluntario tambe bao di nos hubentud” minister Croes a
mustra.

No solamente e Ministerio di Asuntonan Social y Hubentud ta haciendo esfuersonan grandi pa
motiva nos hobennan pero mas bien ta un esfuerso integral di Gobierno. Minister President su
programa di formacion Social ta continua tambe den 2016. Aki ta sigui apoya hobennan cu kizas
a tuma decisionnan eroneo den nan bida y awor pa un second chance den yega na un miho futuro
hunto cu e apoyo di Mariniers Kazerne.

“Poder di Hubentud” 2016 tambe lo haya su luga riba e agenda social di Minister Paul Croes. E
proyecto grandi aki ta motiva hobennan cu ta excelente pa sigui traha positivamente pa desaroyo
di nos pais. ” E proyecto aki a mira un desaroyo hopi positivo den nos comunidad, cu
envolvimento di famia y amistad den e proyecto aki. Hobennan cu ta destaca

riba tereno social, cultural, trabaonan boluntario y deportivo tur por keda nomina pa haya e
reconocimento di Poder Hoben di Aruba. Y tur esaki lo ta riba e agenda social pa 2016″, minister
Paul Croes a duna di conoce.

http://www.diario.aw/2016/01/programanan-social-y-di-hubentud-lo-continua-den-2016/