Page 39 - CMB

banconan mester cobra clientenan 6% riba tur transaccion segun ley di crisisheffing di
gobierno.

Minister a bisa cu esaki ta un bruhamento di informacion pa loke ta trata e crisisheffing

den caso aki, kico ta bira exoneracionnan cu den pasado tabata cobranza B.B.O. y awo
e cambionan segun crisisheffing, e exoneracionnan aki no ta existi mas.

Prome cu tur cos e Minister a enfatiza cu no ta un ‘transaccion tax’ a wordo introduci na

Aruba, kiermen no ta pa casa transaccion financiero cu bo ta haci den un instituto
financiero, esey ta nifica cu bo mester paga belasting riba dje. El a trece esaki dilanti,
pa motibo cu el a wak den otro medionan di comunicacion, informacionnan tendencioso
cu a indica cu riba cualkier transaccion cu tuma lugar den un instituto financiero,

mester paga 6% riba dje. Esaki no ta e caso.

E mandatario ta lamenta profundamente cu den e pais, caminda mester a pasa un
crisisheffing pa motibo cu tin cosnan cu no ta corecto den sentido cu gobierno mester

saca placa pa paga proyectonan di ‘private publica partnership’, y actualmente como
Minister di Finanza, e mester percura pa cumpli cu debernan financiero, no obstante, di
ken a traha nan. Gobierno tambe tin un plan pa atende cu e crisis social, y esey ta
cosnan e pais aki mester genera fondonan.

Pesey mester a haci un peticion riba pueblo y introduci un crisisheffing, kiermen ta
berdad cu a bin cu e B-AVP, pero esey ta encera cu den e ley mes manera B.B.O. ta
existi, tabatin exoneracionnan cu por a wak riba articulo 12 inciso 1 parti F y G,

caminda ta para cu pa banconan pa tempo largo nan no mester a paga e servicio cu
nan ta ofrece, entrada cu nan ta genera, nan no ta paga B.B.O. riba esaki.

E Minister a duna un ehempel, ora un persona yega banco bo ta haci un transaccion y

esaki tin gastonan administrativo. E gastonan aki ta entrada pa banco, cu ta forma su
omzet. E ley di B.B.O. (belasting op bedrijfsomzet), ta pa cobra riba e omzet, e no ta
pa cobra riba e transaccion cu un cliente ta haci na banco. E ta haci hopi tendencioso cu
un representante di ABA ta bin dilanti den prensa y ta trece den contexto cu ta pa cada

transaccion nan lo cobra e impuesto.

E mandatario tambe ta haya di lamenta cu el a tende den e entrevista cu ta awo ABA ta
bay sinta entre nan pa discuti esaki, mirando cu un dia prome su consehero tabatin