Page 40 - CMB

contacto cu ABA, na unda nan mes a bisa cu nan lo laga su persona como Minister
splica e situacion, prome cu nan trece nan banda dilanti. E noticia aki a causa un
agitacion den pueblo sin cu e ta corecto, pasobra esaki no tabatin claridad riba kico si y
kico no.

Minister a enfatiza cu e esaki no ta un transfer tax, e noticia riba transaccionnan
bancario no ta berdad. El a splica cu e placa cu un cliente ta haya of manda no ta paga
B.B.O. riba e transaccion aki.

Ta asina cu desde 1 di Januari di 2007, ora a introduci B.B.O. e gastonan di banco, loke
nan ta yama administration fee, esaki tabata exonera di paga B.B.O. riba dje, kiermen
tur loke e banco a genera na entrada pa transaccionnan cu nan a haci tur loke nan ta

genera, nan no mester a paga B.B.O riba esaki. Awo nan lo haya e cambio, kiermen
banconan tambe lo duna nan ‘fair share’, nan lo paga un parti, cu esaki lo bay pa caha
di gobierno.

Desde cu B.B.O. a wordo introduci, banconan manera cualkier negoshi, tambe a hisa
nan gastonan administrativo, e Minister a indica cu tur hende a mira con esaki a subi di
3 florin pa 5 florin pa cada transaccion, y ningun hende a stroba nan. El a duna un
ehempel, si e banco ta cobra 5 florin ora di haci un transaccion, desde 1 di Juli, riba

entrada cu e ta haya door di haci e transaccion, e banco lo paga 30 cen. Kiermen,
banco lo keda cu 4,70 florin y gobierno lo haya 30 cen.

Su pregunta ta, den situacion cu pais Aruba ta actualmente, caminda Gobierno ta pidi

tur hende pa yuda e situacion financiero, banconan cu tabatin un tempo largo exonera
di paga impuesto riba tur nan entrada, e no ta kere cu ta pidi hopi pa nan paga un
suma chikito pa bay den caha di gobierno, cu lo wordo uza pa bienestar di tur
hende. Nan no ta stroba operacionnan di banco, sino ta cobra un fair share di nan

banda pa yuda den e situacion economico actual.

El a remarca cu e B.B.O. mes cu banco ta paga ta 100 porciento por wordo kita como
gastonan di loke ta nan ganashi. Na fin di dia, banconan no tin tanto molester cu e

medida aki, pasobra nan por kit’e bek for di nan ganashi. E ora Minister ta puntra, kico
ta e problema of pakico nan mester pensa riba maneranan pa haya e 30 cen ey bek for
di clientenan.