Page 35 - MIN TTC Jan 26

Monday, 26 January 2015 09:30

Comparti

Director di AHATA, Jim Hepple a indica cu nan ta completamente di acuerdo cu e meta stipula pa
Minister Otmar Oduber pa aumenta e RevPar (entrada pa camber disponibel) cu un promedio di 9% den e
proximo 3 añanan.
Mirando e resultadonan di turismo presenta pa Minister Oduber pa loke ta aña 2014 unda cu e cantidad
di bishitantenan stay over a aumenta cu 9.5%, RevPar cu 20.6%, ADR (prijs pa camber) cu 18% y a yega
na un grado di ocupacion di 79.3, Sr. Hepple a indica cu esaki ta un hopi bon ehempel di team work, cu
esaki por wordo haci solamente cu cooperacion di sector publico y priva.
Tambe el a bisa cu ta remarcabel cu por a bin hunto y yega na un obhetivo comun, ademas di por a uni a
traves di e RevPar Committee pa pone un serie di punto pa por logra e obhetivo en cuestion.
“Mi kier gradici Gobierno y particularmente Minister di Turismo dor di a tuma e iniciativa aki aña pasa y
por a logra traha riba dje durante e ultimo lunanan pa por a logra realiza e programa aki”, Jim Hepple a
duna di conoce.
E ta forma parti di un strategia cu Aruba a adopta y ta implementando, cual ta basicamente esun di target
e bishitante di mas entrada, target e bishitantenan cu lo ta gastando mas, no solamente na e hotelnan,
pero den henter comunidad. Resultadonan di esaki por a wordo mira durante 2014.
Sr. Hepple a agrega cu hopi di esaki tin di haber cu sector publico y priva ta invirtiendo den futuro di
turismo di Aruba y como resultado di e inversion aki no solamente e hotelnan, pero henter comercio por
pidi y haya e prijsnan mas halto cu mester pa aumenta e RevPar.
El a menciona cu tanto Renaissance como Holiday Inn a caba di finaliza un inversion di 20 miyon Dollar y
cu Gobierno a inverti un suma substancial di placa den mehora e calidad di nos producto, no solamente
den infrastructura, pero tambe den nos hendenan.
“Si pone esakinan hunto, e ta un gran muestra di confianza den e direccion cu turismo di Aruba ta
bayendo, boso a wak e numbernan, e ta exitoso y mi ta kere cu e programa aki (esun presenta pa e RevPar
Committee) lo pone bon guianan pa por continua cu e exito aki”, Jim Hepple a finaliza bisando.

http://www.24ora.com/local-mainmenu-5/91087-colegio-san-antonio-ta-orguyoso-di-su-reina
Colegio San Antonio ta orguyoso di
su reina