Page 41 - flip
P. 41
Huez a rechaza demanda di rectificacion di Minister Paul
Croes
Publication: Wednesday, 1 April 2015. Categoria: Judicial
ORANJESTAD(AAN): E siman aki huez a duna su veredicto den e caso sumario cu Minister
Paul Croes a entama contra di e corant Solo di Pueblo, despues cu e corant a publica algun
articulo den cual e corant lo a skirbi entre otro cu e mandatario lo ta haya placa bao di mesa entre
otro atravez di su secretaria, pa aproba e asina yama ontheffing, pa cierto companianan haya
permiso pa trahadornan no di Aruba.
E corant lo a insinua cu quizas Croes ta envolvi den corupcion y pesey e mandatario a cuminza
un caso sumario pa exigi rectificacion.
E caso a tuma lugar riba dia 2 di Maart.
E intencion tabata prome tambe pa pidi un rectificacion di parti di Jan de Ruiter pa locual e
tambe a skirbi den Solo di Pueblo, pero como cu de Ruiter a skirbi un tipo di rectificacion caba
den cual el a bisa cu e no tin prueba ainda cu minister Paul Croes ta comete corupcion, e caso a
wordo dirigi solamente contra director y propietario di e corant, esta Edmond Croes.
Huez a dicta sinembargo cu Croes no tin mester di rectifica.
Den su veredicto huez a uza entre otro e hecho cu Jan de Ruiter a hasi un tipo di rectificacion
caba den prensa como motibo pa Croes no mester hasi esaki mas, apesar cu locual Croes y de
Ruiter a bisa di e mandatario no ta exactamente mescos.
http://www.diario.aw/2015/04/huez-a-rechaza-demanda-di-rectificacion-di-minister-paul-croes/