Page 42 - flip

SOLO a rectifica dia 24 februari 2015

Publication: Wednesday, 1 April 2015. Categoria: General

Den caso Minister Paul Croes vs. Solo di Pueblo

ORANJESTAD (AAN): Den e caso Minister Paul Croes contra matutino Solo di Pueblo unda e
matutino aki a haya ta bon pa publica insinuacionnan baho di corupcion y fraude contra Minister
Croes, huez a duna Minister Paul Croes razon den e caso contra Solo di Pueblo, segun un
comunicado for di ministerio di e ministro.

E comunicado a menciona ademas cu acusacionnan contra su persona a wordo rectifica den un
publicacion anterior di Solo di Pueblo mes! Juez su sentencia tabata hopi cla. Solo di Pueblo a
rectifica dia 24 di februari 2015 caba y cu e bon nomber, e honor, integridad y credibilidad di
Minister Paul Croes ta keda estableci.

Huez a mustra den su veredicto articulo 4.2 cu como e matutino a publica un rectificacion caba
dia 24 di Februari recien, den un articulo di Solo di Pueblo rectifica door di Jan de Ruijter.

Segun e comunicado, interesante den e caso aki ta cu Juez ta mustra si, cu un rectificacion ta
necesario pa e acusacionnan contra Minister Paul Croes y cu esaki a sosode den e mesun
matutino aki.

Minister Paul Croes den un reaccion na prensa a bisa: “Sigur e sentencia aki ta mustra cu
acusacionnan hasi contra mi persona no tin base, y cu hues a haya cu e contra-partido a rectifica
caba.

Locual ta strañami ta reaccion di sr. Edmond Croes y su abogado cu a bisa cu nan a gana e caso,
al contrario ta con bo ta gana un caso unda hues ta bisabo cu bo a rectifica caba. Kiermeen e
acusacionnan cu bo a hasi no tin base”. Sentencia di huez den e caso: De eer, de goede naam, de
geloofwaardigheid en de integriteit van eiser is met de rectificatie van 24 februari 2015 immers
voor nu afdoende hersteld, segun parti di e sentencia cu a bin hunto cu e comunicado.

http://www.diario.aw/2015/04/solo-a-rectifica-dia-24-februari-2015/