Page 15 - KPA 24JUNI,2015

Grupo a duna hoben hala di sota, despues hink’e den nan
auto y bay cun’e

Publication: Wednesday, 24 June 2015. Categoria: Policial

ORANJESTAD (AAN)– Na altura di pomp di gasoline di Texaco na Tanki Leendert, un grupo
di persona a duna un hoben un bati formal. Segun dos testigo a relata na polis, tabata mas o
menos 1 or y mey di madruga cu nan a mira un hoben di entre 15 cu 20 aña di edad, color cla cu
cabey reto cortico, delega di postura, bisti cu un camisa blanco cu strepi oranje y carson largo,
core banda di e mini-market di Texaco, direccion pa e supermercado Heng Sheng.

Diripiente nan a mira un auto color scur staciona na un manera cu su luznan tabata luci, dirigi
riba e mini market di Texaco.

Despues nan a mira tres pa cuater persona di entre 15 y 20 aña di edad color cla cu t-shirt color
cla blanco y cu postura delega sali di e auto y persigui e hoben te riba lugar di staciona auto di di
Heng Sheng Supermarket.

Aki nan a duna e hoben un hala di sota y ora nan a caba, e chauffeur a bira e auto y core bay na e
lugar di staciona auto y nan a hisa e hoben hink’e den auto y core bay direccion abao.

A keda cu grabacionnan lo wordo entrega pa mas investigacion tuma lugar di e caso aki cu tin
atencion di polis

http://www.diario.aw/2015/06/grupo-a-duna-hoben-hala-di-sota-despues-hinke-den-nan-auto-y-bay-
cune/