Page 16 - KPA 24JUNI,2015

Homber desconoci a bula for di 7 piso y fayece

Publication: Wednesday, 24 June 2015. Categoria: Policial

ORANJESTAD (AAN): Diamars anochi algo prome cu 7:00 pm, e Portier cu ta situa na Acqua
Condominiums Aruba riba Sasakiweg, a haci un yamada urgente na Polis pa raporta cu un
persona a caba di bula for di piso halto di e condominio aki bao construccion.
Den menos di 1 minuut, unidadnan di Polis a cuminza yega, y a worde avisa unda e victima ta
benta. Aki a bin topa cu e curpa seriamente herida benta abao di un homber.
Polis a check su pulso, pero e persona ya no tabata duna señal di bida.
Mesora a notifica demas autoridad pa cuminza mobiliza pa e area. Ambulans tambe a yega, pero
Paramediconan no por haci mucho mas. Asina a pidi pa presencia di Docter.
Oficialnan Hudicial a yega, y a base di declaracion di testigonan, a bay cera e area na Piso 7, for
di cual nan a mira e homber bula.
Te na cierre di edicion, no a haya informe oficial di e identidad di e persona, mucho menos si
acaso e ta un trahador of no di e proyecto aki. Na famia di e fayecido, DIARIO ta manda palabra
di condolencia.
Riba e imagen aki produci na 2007, por mira e concepto di e artista, con Acqua Condominium
Aruba lo ta ora e keda cla. Awor na 2015, ainda e proyecto ta bao construccion,.