Page 7 - AM201009

Diabierna, 9 October 2020 AWEMainta 7

Parlamentario Alan Howell (POR)

Cuminda di prome necesidad a bira un

necesidad di berdad den e tempo aki

CIUDADANONAN di pariba di brug a pone Parla-

mentario Alan Howell na haltura cu cos ta bira dia pa
dia mas dificil. Sigur pa loke ta pone cuminda riba mesa.

A expresa tambe cu e surcursal di FPNC na San Nicolas
tabata sera algun dia. Mesora Parlamentario Howell a

bay averigua y enberdad esaki tabata e caso.

FPNC ta Aruba su foodbank oficial y su sucursal ta situa

net band’i Aruba Bank na San Nicolas. Alan Howell a

papia cu Directora di FPNC, Gianaika v/d Biezen-Marin
y el a splica cu e sucursal na San Nicolas tabata sera pa

masha tiki dia en espera pa haya su stock di comestibel-

nan.
E bon noticia ta cu e sucursal ta habri bek normal. Ciu-

dadanonan ta hopi contento cu e yudansa di FPNC y
muy especial cu e servicio profesional y empatia pa cu

situacion dificil cu pueblo den necesidad ta pasando

aden.

Bishitando casnan pa mira con por yuda esnan den difi-
cultad, Parlamentario Howell ta experencia cu falta di

cuminda na algun cas ta aumentando mas y mas. Esaki

tin di haber den liña recta cu perdemento di trabou dor
di e crisis.

Durante di un bishita cortico n’e foodbank na San Nico-

las, Alan Howell a papia cu varios ciudadano cu tabata
en espera pa wordo atendi y a gradici e señora trahador

pa su pasenshi y bon trabou.