Page 11 - ATA JAN 7,2016

AWEMainta Diahuebs, 7 Januari 2016 15

Gamma IT Solutions:

E desaroyador oruguyoso di Aruba su Online ED Card

DIA 1 di december 2015 Aruba a lansa su Online ED (Embar-

kation/Disembarkation) Card. E online card ta reemplasa e
carchi cu tabata wordo duna na pasaheronan abordo di avion
cu ta biahando pa Aruba.

E cambio pa e online card a bin di Aruba Tourism Authority
(ATA) p’asina por premarket e turistanan. E online card tambe
ta elimina e tarea di ATA di hinca tur e informacion y asina
evita di yena informacion robes y dunando nan mas tempo
pa haci propaganda di e isla na e bishitantenan. Ademas, in-
migracion no mester scan e ED card tradicional mas, cual ta
resulta den un tempo mas cortico di procesa cada pasahero y
menos tempo di warda pa nos turistanan.

E compania local Gamma IT Solutions a desaroya e Aruba
Online ED Card caminda e pasaheronan ta wordo dirigi asina
cu nan cumpra nan ticket pa Aruba. Conoci pa su experticio
den desaroya customized software, Gamma a uza e ultimo
tools den software engineering pa crea e online card.
E registracion online ta disponibel na ingles, spaño y hulandes.
E ta facil pa uza y visualmente atractivo. Tambe e tin hopi in-
formacion cu un seccion extenso di FAQ cu ta cubri detalles di
e online card mes, reglanan di Duane, informacion di divisas
y informacion di visa.

Gamma a cuminsa desaroya e Online ED Card na januari
di 2015 y e aplicacion tabata cla na september 2015 segun
schedule. Na november, Minster di Husticia Arthur Dowers a
haci un peticion p’e online card rekeri informacion adicional
di pasaheronan pa motibonan di seguridad. Dor di colecta e
informacion nan ey adelanta, e Online ED Card lo funciona
como un prescreening. Pasaheronan por wordo controla cu e
blacklist y cu otro database prome cu nan yega Aruba. Si un
pasahero cu ta registra lanta sospecho of ‘red flags’, polis lo
ta na aeropuerto cla pa detene e pasahero.

Segun Frank Baks, director of business development na
Gamma, ya caba tin 100 aplicacion online pa dia cu ta wordo
procesa. Sinembargo, e Aruba Online ED Card ainda ta den su
prome fase y lo tuma 2 aña pa pasa ful over di e carchi fisico
traditional na unda e ora e Online ED Card lo bira obligatorio.
Gamma lo sigui implementa cambionan pidi dor di Minister
di Turismo Otmar Oduber y Minister di Husticia Arthur Dow-
ers como tambe provee support general durante e periodo di
transicion.

Un cambio cu ya caba a wordo aproba ta preguntanan adi-
cional cu tin di haci cu seguridad cu lo haci Aruba mas sigur.