Page 11 - MIN ON

Concierto ‘Un anochi di canto’ na St. Annaschool

Wednesday, 14 June 2017 11:35
Comparti

Diabierna anochi 16 di juni venidero St. Annaschool lo bay brinda su tremendo concierto ‘Un anochi di canto’ bou di
su patio cubri pa hunga. E concierto ta pa recauda fondo pa e celebracion di 125 aña di e scol otro aña dia 9 di
februari. Participantenan ta e.o. coro di mucha, coro di maestro- y maestranan, coro ‘Den Harmonia’ y algun solista.

Tur bou direccion di docente di canto y musica Tica Giel. Acompañamento di tur obra ta na encargo di e gran
pianista Johnny Scharbaay.
St. Annaschool ta conta cu presencia di tur amante di canto, special esnan cu a haya y duna educacion na e scol,
mayornan y e pueblo di Noord. E concierto ta cuminsa 7:30 en punto. Entrada general ta solamente diescinco florin.
Carchi di entrada ta obtenibel cerca participantenan y na school mes.