Page 16 - MIN ON

E bentananan di e school ta relativamente nobo, pero den e ultimo añanan e
bentananan a haya algun problema. Na aña 2010 a cambia e bentana y portanan di e
school, pero a resulta cu e calidad ta laga di desea.

“Nos tin 83 school y tin varios school cu tin e necesidad di renobacion completo. Nos ta
papia di schoolnan cu ta existi pa 40, 50 y 60 aña y nan ta riba un lista di espera pa por
haya fondonan pa renobacion completo”, asina Minister Michelle Hooyboer-Winklaar a
duna di conoce.

Puis X ta cay den e categoria cu a ricibi diferente trabao (incluso recientemente di un
cura nobo cu a costa alrededor di Afl. 300,000) pero pa motibo di falta di mantencion a
pone varios problema acumula. Kisas algun aña pasa a cuminsa mira problema cu 1

bentana y par di luna despues otro bentananan a haya problema. Mirando cu no tabatin
un plan of intento pa atende cu e problema di biaha via mantencion, a haci cu e
fayonan a acumula. Esaki a pone cu awo practicamente casi niun bentana ta habri y
Ministerio di Enseñansa ta haya cu e situacion aki ta uno hopi di lamenta.

No solamente cu esaki a bira un situacion hopi fastioso pa mayornan, school y
muchanan, pero tambe pe maestronan cu ta para den klas y tur dia ta pone y kita e
bentananan. Varios aspecto a hunga un rol y a pone cu e situacion a escala y a trece e

situacion di e maestronan. Ministerio di Enseñansa ta mira cu por a evita e problema
aki, kisas no completamente, pero sigur cu mantencion manera stipula y conforme e
subsidio cu ta aloca pa SKOA. Por a evita e problema aki si na momento a bati bel,
SKOA cu tin e responsabilidad pa drecha cosnan mas chikito, a actua.

“Ta te aña 2014 Taskforce cu ta resorta bou di DOW a cuminsa asisti schoolnan di
SKOA, pues prome cu esaki SKOA tabatin e tarea aki completamente den nan man”,
Minister Hooyboer-Winklaar a splica.

Mantencion chikito, cual esaki lo tabata, ta cay specificamente pe responsabilidad di
SKOA y nan ta ricibi fondo pa esaki. Tur aña Ministerio di Enseñansa ta aloca mas di 1
miyon Florin den presupuesto di SKOA pa por drecha cosnan chikito, mientras Gobierno

ta encarga pe reparacionnan grandi. Minister Hooyboer-Winklaar a scucha nan
preocupacion y cu awo esaki a bira un reparacion grandi, pero na momento cu nan a
cuminsa daña el a cay bou mantencion chikito y esaki no a tuma luga.