Page 44 - EXTRA 23 OCT,2015

44 Djabièrnè 23 òktober 2015

Kontinuashon di pag. 43
PETISHON

tur aña, no ta bini
kontesta. Anto esaki
miéntras ku segun
e Landsverordening
e “evaluashon di e
funshonamentu di e
publisidat di gobièrnu komo
forma di outo-investigashon
di e órgano di gobièrnu ta
importante”.Eline van den
Broek-Altenburg, ku komo
reportero na aña 2010 a
trata di haña dokumentonan
di finansiamentu di partido
polítiko, no por a haña nada.
“Mi a traha un aña i mei pa
haña e informashon ku mi a
pidi. Mi ker a sa kuantu di e
finansiamentu di partidonan
polítiko tabata públiko, pero
via e bentana di pèrmit no
tabata bini niun kontesta.
E ora ei mi a bai puntra na
Ministerio di Finansa mes.
Na final mi a bai defensor
di pueblo di e tempu ei
Alba Martijn, ku mester
a intermediá entre ami i
ministerio.

E minister di Finansa di e
tempu ei, George Jamaloodin
di MFK a bisa literalmente ku
e tin e informashon pero ku
e no ker a duna mi pasobra
mi ta periodista. Anto nota
bon ku ta komo siudadano
mi a pidié!” Asta ku
intermediashon di Defensor
di Pueblo e no a yega mas
leu.

“Mi no tabatin e idea ku
tabata trata di informashon
sekreto sino simplemente di
informashon ku no t’ei”.

Si un órgano di gobièrnu
no reakshoná riba un
petishon di LOB por bai wes
mesora. Korte ta disidí si
gobièrnu mester kontestá e
petishon i komo demandante
bo por pidi un multa di mil
florin pa dia ku un máksimo
di 100 mil florin, si e órgano
di gobièrnu no kumpli ku
e petishon di LOB denter
di tres siman.Hurídiko
Ke men tin medida si,
pero hopi bia siudadano
i periodista no ta tuma e
paso ei. “Naturalmente mi
a kontemplá di tuma paso
hurídiko, pero mi no tabatin
un organisashon mi tras
ku ker a karga e gastunan”,
Eline ta bisa. Tòg ta manera
situashonnan malu na
LOB ta haña mas atenshon
awendia; e organisashon di
naturalesa Carmabi poko
tempu ei a bai wes pasobra
gobièrnu no ker a duna
akseso na e dokumentonan
tokante e kambio di
destinashon di Oostpunt.
Wes a disidí ku gobièrnu
mester duna akseso promé
ku kuater siman pasá sino
nan mester paga e but di
1000 florin pa dia.