Page 46 - EXTRA 23 OCT,2015

46 Djabièrnè 23 òktober 2015

E KURIKULO
DI GERMAINE

GIBBS A
IMPRESHONA

SBTNO

...E por drenta
komisariado di CTDF

sin problema...

WILLEMSTAD.- SBTNO
no tin ningun opheshon
kontra nombramentu di
srta. Germaine Gibbs komo
miembro di e hunta di
komisario di e fundashon
di turismo (CTDF). Asina
e ta bisa e siman aki den
un konseho pa Konseho di
Minister. E nombramentu
di Gibbs lo mester ta pa
forma parti di e kolegio di
supervishon di CTDF.

Den su konseho SBTNO
ta bisa entre otro ku,
miembronan individual
lo mester ta dispuesto
i den e posishon pa por
kumpli ku nan tarea komo
miembro di e Kolegio di
Supervishon di akuerdo
ku leinan na Kòrsou, e
Kódigo di Gobernashon
Korporativo i statutonan di
e organisashon.

Na momentu di su
nombramentu, kada
miembro di e kolegio
mester kuadra denter di e
komposishon di e kolegio,
miéntras ku su interesnan
no por ta den konflikto ku
esnan dje organisashon.

Mas aleu SBTNO ta
bisa ku, a base di e profil
ku a stipulá pa por bira
miembro di e hunta di
komisario di CTDF, i e
kondishonnan ku a keda
fihá, por bisa ku sra. Gibbs
ta sufisientemente kalifiká.
E kandidato tin eksperensia
tantu riba tereno di
merkadeo finansiero i
relashonnan públiko, i ta
kumpli ampliamente ku e
konosementu i eksperensia
rekerí.

E posishon ku tin
vakante aktualmente den
Kolegio di Supervishon ta
e posishon di supervisor. E
ekspertisio ku sra. Gibbs ta
dominá tantu riba merkado
internashonal komo esun
lokal, sigur lo ta un punto
positivo pa CTDF.

For di e kuríkulo di bida
ta bin por dedusí entre
otro ku e tin formashon na
nivel di Master in Business
Administration. Mas aleu

Sigui lesa pagina 47