Page 13 - ATA

“Tin diferente manera cu ATA ta acerca peticionnan. No ta tur ta logra pasa den e linea
di aprobacion y esey ta algo cu mester tene presente.

ATA ta haya hopi peticion a base diario. Nan tin un persona cu ta dedica na maneha

esaki y e ta mantene tur hende informa, y ta acerca directiva ora cu e mester nan
input”, sra. Tjin Asjoe-Croe ta señala.

Sra. Croes a tira un bista riba presupuesto di ATA pa 2017 y locual ta e porcentahe di e

presupuesto cu ta bay na evento/sponsorship ta papia di 8% di e total di 100% di fondo
cu ta wordo uza pa mercadeo.

“ Por bisa cu 92% di nan esfuerzonan ta sosode den mercadonan internacional. Esey ta

hopi presente den e esfera local. Pero 92% di loke nan ta haci ta primordialmente
internacional. Esey ta e parti di e tarea primordial di ATA tambe.

E festivalnan cu ATA ta participa den dje, Aruba Summer Festival y Aruba Soul Beach

Festival, tur dos ta cumpli cu e cantidad di habitantenan cu nan mester atrae. ATA tin
comprension pa e hecho cu, pa haci posibel cu e tipo di eventonan aki por tuma luga na
Aruba, e organizadoann mester por conta cu e mercado local.

Tipo di eventonan aki no ta factible, si bo no por conta cu bo mercado local. Esey ta
parti di e modelo y no ta haci esaki pa atrae turista so. Pero si ATA ta pone e minimo e
cantidad di bishitantenan cu mester bin. Mescos nan ta haci e cu e Caribbean Sea Jazz
Festival tambe. E inversion di ATA ta varia pa cada un di e eventonan aki, y di e forma

ey e inversion tin un minimo di cantidad di bishitante cu mester cumpli cun’e y un
minimo di promocion nacional y internacional tambe” sra. Tjin Asjoe-Croes a amplia.

El a conclui bisando cu e calidad di eventonan tambe ta wordo midi, conforme e servicio

y e calidad cu nan ta acorda cu e organizadonan y locual cu ATA ta presenta durante un
evento di e indole aki.