Page 4 - AAA April 23, 2015

Aeropuerto a kibra record di pasahero den prome cuartal
di 2015

Publication: Thursday, 23 April 2015. Categoria: General
Tin crecemento di pasahero di riba 16%

ORANJESTAD
(AAN): Aeropuerto ta hunga un rol esencial den crecemento di nos turismo, cu ta nifica
crecemento di nos economia. Cifranan di e prome kwartaal ta mustrando miho di loke nos a
spera mientras cu e cifranan entre April pa October ta sobrepasa nos mesun expectativanan.
Ta referi na e cifranan di cantidad di pasaheronan y cantidad di vuelonan yegando y saliendo
for di nos aeropuerto.
E resultadonan di luna di maart 2015 ta aden y a mustra cu tabatin un crecemento
impresionante den e RGP (Revenue Generating Passengers), o sea e pasaheronan cu ta genera
entrada.
E RGP “year-to-date”, esta di dia 1 di januari pa dia 31 di maart, ta 326.136 pasahero. Esaki
ta un crecemento impresionante di RGP comercial di 16.2% compara cu e mesun temporada
aña pasa. Pa loke ta trata e total di vuelonan, cifranan di Aruba Airport Authority N.V. ta
mustra cu tabatin 314 vuelo mas saliendo for di Aruba, cual ta un aumento di 32.2% compara
cu e periodo “year-to-date” pa maart 2014.
Un total di 37% di e bishitantenan tabata procedente di Latino America, cu ta e di dos
mercado mas importante pa Aruba despues di Merca. Bishitantenan for di Venezuela a
alcansa 14% di e total di RGP di Aruba. Norte America a mustra un aumento impresionante
di 14% pa Merca y 21% pa Canada. Bishitantenan for di Caribe Hulandes a baha cu 3% y di
Europa a baha cu un total di 13%.
Aruba Airport Authority N.V. ta satisfecho di por comparti cu e trend di crecemento for di e
mercadonan mas fuerte di Aruba lo sigui den e proximo lunanan, cu ta yuda fortalece,
reenforsa y crece e pilar economico. E total di trafico aereo den e prome tres lunanan di 2015
a kibra tur record cu 16.2% di crecemento di RGP. Aruba Airport Authority N.V. den su