Page 6 - AAA April 23, 2015

Simulacro di tiroteo cu victima gravemente herida na
aeropuerto
Thursday, 23 April 2015 15:07

Comparti

Riba diahuebs 23 di April, 2015 Cuerpo di Marina Hulandes staciona na Aruba den cooperashon cu Aruba
Airport Authority N.V. (AAA) y IMSAN, a tene un ehercicio di emergencia riba tereno di aeropuerto.

E scenario pa e ehercicio cu a cuminsa 9’or di mainta den e parkinglot publico di aeropuerto cu duracion
di mas o menos un ora, tabata ensera un tiroteo activo unda cu tabatin varios victima gravemente herida.
E victimanan a wordo inicialmente atendi door di e staf medico di e cuerpo di Marina Hulandes cu
asistencia di AAA su Emergency Response Team (ERT). Despues IMSAN a wordo yama pa asina sigui cu e
asistencia medico.

Cuerpo Policial di Aruba, Douane di Aruba y di Merca, Crisis Management Team Aruba, IBSL y diferente
otro entidad a participa den e ehercicio como ebservador.

E ehercicio conhunto aki su meta tabata pa test e tempo di reaccion, comunicashon y colaborashon entre e
entidadnan cu a participa. E obhetivo di e ehercicio tabata pa revisa e proceduranan di emergencia, test e
asistencia y accionnan di e entidadnan pa haci e cambionan necesario pa mehora a base di e resultadonan.

AAA su Directora di Seguridad y Regulatory Compliance, Angeline Flemming, a indica cu tanto e Cuerpo
di Marina Hulandes y tambe AAA frecuentemente ta tene ehercicionan similar y cu a intensifica e
cooperashon mutuo den e anja cu a pasa, pa asina sigui mehora e preparacion y asistencia cu ta wordo
duna ora di emergencia na aeropuerto di Aruba. Segun Flemming, e drilnan aki ta fundamental pa
desaroya comunicashon y coordinashon adecua y ta di suma importancia pa sigura tacticanan di atende
emergencia efectivo y specialmente importante pa facilidanan unda cu tin publico grandi, manera un
aeropuerto.

E potretnan ta ilustra imagennan di e ehercicio cu a tuma lugar na aeropuerto.